КіруҚоғамдық орындарда бет-әлпетті жабу: заң талабы және қауіпсіздік
Батыс Қазақстан облысында полицейлер қоғамдық орындарда бет-әлпетті жасыруға қатысты заң талаптарын кеңінен түсіндіруде. Бұл мәселе соңғы уақытта өзекті тақырыпқа айналып, тұрғындар арасында түрлі сұрақтар туындатуда.
Құқық қорғау органдарының мәліметінше, енгізілген шектеулердің негізгі мақсаты – қоғамдық қауіпсіздікті қамтамасыз ету және құқық бұзушылықтардың алдын алу. Мәселен, жол қозғалысы кезінде бетін бүркемелеген азаматтардың әрекеті қауіп тудыруы мүмкін. Жолдан өтіп бара жатқан адамның бет-жүзі анық көрінбесе, жүргізуші оның қимылын дер кезінде бағалай алмауы ықтимал. Сонымен қатар, құқық бұзушылық орын алған жағдайда мұндай азаматтарды бейнебақылау арқылы анықтау да қиынға соғады.
Осыған байланысты қоғамдық орындарда адамның жүзін толық немесе жартылай жасыратын, яғни тұлғаны тануға кедергі келтіретін кез келген киім элементтерін себепсіз киюге шектеу қойылады.
Бұл талап Қазақстан Республикасының Әкімшілік құқық бұзушылық туралы кодексінің 434-3-бабында нақты бекітілген. Аталған бапқа сәйкес, қоғамдық орындарда бет-жүзді тануға кедергі келтіретін киімдерді кию – заң бұзушылық болып табылады. Бірінші рет анықталған жағдайда ескерту беріледі. Ал бір жыл ішінде қайталанса, он айлық есептік көрсеткіш мөлшерінде айыппұл қарастырылған.
Сонымен қатар заңда бірқатар ерекшеліктер де қарастырылған. Яғни, бет жабуға келесі жағдайларда рұқсат етіледі: медициналық көрсеткіштер бойынша, ауа райының қолайсыздығында, қызметтік немесе еңбек міндеттерін атқару кезінде, азаматтық қорғаныс талаптарына байланысты, сондай-ақ спорттық және мәдени-көпшілік іс-шараларға қатысқан кезде.
Полиция өкілдері бұл талаптардың қандай да бір діни көзқарасқа қарсы бағытталмағанын атап өтеді. Негізгі мақсат – қоғамдық тәртіпті сақтау, азаматтардың қауіпсіздігін қамтамасыз ету және кез келген құқық бұзушылықтың алдын алу.
Соңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
