КіруМЕШІТ ЖАМАҒАТЫ АЯҚ ДОПТАН ЖАРЫСТЫ
Бөрлі ауылының Бөрлі спорт кешенінде мешіт жамағаты арасында аяқ доптан Бөрлі ауданының ІІ ашық біріншілігі өтті. Оған облысымыздың аудандарынан сегіз команда қатысты.
Біріншіліктің ашылуына Бөрлі ауданы әкімінің орынбасары А.Көшкінбаев, ҚМДБ БҚО бойынша өкіл имамы Е.Қарақұлов қатысты.
Спорттық ойын Ақжайық, Бәйтерек, Жаңақала, Қазталов, Подстепный, Теректі, Шыңғырлау, Ақсай мешіттері командалары арасында өтті. Алғашқы кезеңде командалар жеребе тартып, олимиадалық жүйе бойынша ойнады. Жеңіп шыққандар келесі анықталған командамен ойындарын жалғастырды.
Жарыс қорытындысы бойынша бірінші орынға Жаңақала ауданының командасы лайық деп танылса, екінші орынды Бәйтерек ауданы, ал үшінші орынды Ақжайық ауданының командалары қанжығаларына байлады. Сонымен қатар, жарыстың «Үздік ойыншы» аталымымен Ерсұлтан Қаналиев (Жаңақала ауданы), «Үздік шабуылшы» аталымымен Қайрат Нагибов (Ақжайық ауданы), «Үздік қорғаушы» аталымымен Азат Нұрмұханов (Бәйтерек ауданы), «Үздік қақпашы» аталымымен Қайрат Мергенев (Бәйтерек ауданы) марапатталды.
Үміт Ізтелеу, Бөрлі ауданы
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу