КіруМектептер жаңарып, жаңа мүмкіндіктер ашылды
Қоңырау үні ауылдарға жаңа леп әкелді. Білім күні қарсаңында өңірдің бірқатар елді мекенінде жаңа мектептердің есігі айқара ашылып, ауыл балалары үшін білім алудың жаңа мүмкіндіктері пайда болды. Кеше ғана ескі ғимаратта білім алған шәкірттер енді заманауи оқу кабинеттеріне қадам басып, жаңа оқу жылын жаңа мектептен бастады.
Ауыл мектебі – сол елді мекеннің жүрегі. Оның қабырғасында баланың алғашқы арманы қанат қағып, білімге деген талпынысы қалыптасады. Сондықтан жаңа мектептің бой көтеруі – ауыл үшін жай ғана әлеуметтік нысанның ашылуы емес, келешекке жасалған маңызды қадам. Өйткені бүгінгі жайлы сынып пен заманауи құрал-жабдық – ертеңгі білімді ұрпақтың қалыптасуына салынған негіз.
Батыс Қазақстан облысында білім беру инфрақұрылымын жаңарту жұмыстары жүйелі түрде жалғасып келеді. Кейінгі үш жылда өңірде 30 жаңа мектеп салынса, жаңа оқу жылы қарсаңында тағы 8 шағын жинақты мектептің құрылысы аяқталды. Қаратөбе, Сырым, Жәнібек, Ақжайық, Бәйтерек және Тасқала аудандарындағы жаңа білім ошақтары ауыл балаларына туған жерінен ұзап шықпай-ақ сапалы білім алуға мүмкіндік беретін заманауи орта қалыптастырды.
Сәуледегі су жаңа мектеп
Облыс әкімі Нариман Төреғалиев Қаратөбе ауданына жұмыс сапары барысында Сәуле ауылындағы жаңа мектептің ашылу рәсіміне қатысты. Аймақ басшысы ауыл тұрғындарын айтулы қуанышпен құттықтап, жаңа білім ордасы жас ұрпаққа берілетін білім сапасын арттыруға ықпал ететініне сенім білдірді.
– Кейінгі үш жылда өңірде 30 мектеп жаңадан салынды. Биыл кезекті оқу жылында осындай тағы жеті шағын жинақты мектепті пайдалануға бергелі отырмыз. Білім беру инфрақұрылымын дамыту, қала мен ауыл мектептеріндегі білім сапасындағы алшақтықты азайту – Мемлекет басшысы Қасым-Жомарт Кемелұлы Тоқаевтың нақты тапсырмасы. Бұл жөнінде Президент күні кеше өткен Тамыз конференциясының пленарлық отырысында да айтты. Жас ұрпақтың алаңсыз білім алуы үшін жағдай жасау – мемлекеттің стратегиялық міндеті, – деді Нариман Төреғалиев.
Жақсыбай негізгі мектебі 1973 жылы бастауыш мектеп ретінде ашылып, 1991 жылы негізгі мектеп мәртебесіне ие болған. Жарты ғасырдан астам уақыт пайдаланылған бұрынғы ғимараттың тозығы жеткен еді.
Енді ауыл оқушылары 60 орынға арналған жаңа ғимаратта білім алады. Нысан KPO b.v. компаниясының әлеуметтік міндеттемелері аясында салынған.
Мектепте 10 оқу кабинеті, екі шеберхана, кітапхана, асхана, мәжіліс және спорт залдары бар. Балалардың қауіпсіздігі үшін 62 бейнебақылау камерасы мен кіреберіске турникет орнатылған. Мектеп ауласы абаттандырылып, спорт және ойын алаңдары жасақталған.
Жаңа оқу жылында мұнда 69 оқушы білім алып, оларға 29 педагог сабақ береді. Облыс әкімі салтанатты шара барысында ауыл тұрғындарының ел тарихындағы тұңғыш Құрылтай сайлауына белсене қатысқаны үшін ризашылығын білдіріп, әлеуметтік нысанды уақытылы әрі сапалы салған құрылысшыларға алғыс хат табыс етті.
Д.САҒЫНБАЕВА
(толығырақ “Жайық үні” газетінің №36 санынан оқи аласыздар)
Версия для печатиСоңғы жаңалықтар
По инициативе Казахстана Генеральная Ассамблея ООН провозгласила Международный день озеленения планеты
Тхонглун Сисулит достас қазақ еліне арнайы сапармен келуге шақырғаны үшін Президент Қасым-Жомарт Тоқаевқа алғыс айтты
БҚО-да Мемлекет басшысының «Әділетті қоғамға – шыншыл сөз» кітабы талқыланды
Спорт саласы қызметкерлерімен сыбайлас жемқорлыққа қарсы заңнамадағы өзгерістер талқыланды
Отношения между Казахстаном и Китаем находятся на беспрецедентно высоком уровне – К.Токаев дал интервью «Синьхуа»
Кеңсуат негізгі орта мектебінің жаңа ғимараты пайдалануға берілді
БІЛІМ КҮНІ: «ӘДІЛЕТ» ПАРТИЯСЫ МЕКТЕПТЕРГЕ ІЗГІ ТІЛЕК ЖОЛДАДЫ
Мемлекет басшысы Қазақстан Республикасы Қауіпсіздік Кеңесі Төрағасының орынбасары Аида Балаеваны қабылдады
Мемлекет басшысы Құрылтай отырысында Вице-Президент және Премьер-министр лауазымдарына кандидатураларды ұсынды
Мемлекет басшысының Жарлығымен Ерлан Тынымбайұлы Қарин Қазақстан Республикасының Вице-Президенті болып тағайындалды.
В трех селах Каратобинского района ЗКО запущен водопровод за счет возвращенных активов
Семей полигонының жабылғанына 35 жыл: Курчатовта не өзгерді
