КіруҚұм Нарыны Нарынбекті еске алды
Қазанның 18-і күні, Ғ. Құрманғалиев атындағы филармонияның концерт залында облыстық мәденит және тілдерді дамыту,архив ісі басқармасы және Қадыр Мырза Әлі атындағы мәдениет және өнер орталығының ұйымдастыруымен ҚР Мәдениет қайраткері Нарынбек Мамаевтың 70 жылдығына орай еске алуға арналған «Нарынның нар ұлы» атты шара өтті.
Шарада облыстық мәдениет және тілдерді дамыту, архив ісі басқармасы басшысының орынбасары Медхат Қамбетов сөз сөйледі.-Нарынбек Мамаев туған жері Бөкейорда аудандық мәдени-демалыс орталығының директоры, аудандық мәдениет бөлімінің басшысы болып, іскерлігін танытып, артында өшпес із қалдырды. Оның жарқын бейнесі жерлестерінің есінде мәңгі сақталады,-деді.
Бұдан соң жерлестері мен үзеңгілес замандастары Нұрлыбек Бірманов, Лавр Хайретдинов, Айдар Батырханов, Сәния Хамзина марқұм жайлы естеліктер айтып, әңгіме өрбітті. Сондай-ақ әріптесі, Қазақстан Композиторлар Одағының мүшесі Донеділ Қажымов ән шырқап, қатысушылардың көңілдерін серпілтсе, жерлесі Ғайсағали Сейтақов өзінің арнау өлеңдерін оқып берді.
Шарада аталмыш филармонияның өнерпаздары «Кейде ағалар болады» әнін әуелете шырқады.
Бөкейорда ауданының әкімі атынан келген Нұркен Сабыров еске алу кешін ұйымдастырушыларға ризашылығын білдіріп, аудан әкімі Нұрлыбек Даумовтың атынан Алғыс хат табыстап, Нарынбек Рақышұлының зайыбы Лайық Мамаеваға камзол кигізді.
Гүлжан СЕРІКҚЫЗЫ
Бұл мақала туралы газеттің келесі санынан толық оқи аласыздар.
Соңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
