КіруҰлттық ұлан сарбаздарына алғысын білдірді
Қазіргі таңда еліміздің бірнеше аумағында су тасқыны күшейіп барады. Елдің батыс өңірінде ахуал өте күрделі. Осы орайда, көптеген құрылымдар тасқын суға қарсы күресуде өз үлестерін қосуда.
Ұландықтар ел басына туған бұл қиындықтан құтылу үшін өз күштерін аямай, халықтың қауіпсіздігі мен тыныштығы үшін күресуде. Бүгінгі таңда еліміздің көк туын шетелге асырып, бұлбұлдай дауысымен барша әлемді тамсандырып жүрген әнші Димаш Құдайберген Ұлттық ұлан жауынгерлеріне өз алғысын білдірді.
– Қазіргі таңда Ұландықтардың атқарып жүрген еңбектері ұшан-теңіз. Халқымыздың тыныштығы мен қауіпсізді үшін барын салып, күн-түн демей қызмет атқару – ол да бір ерлік десем де артық айтқаным емес. Ұландықтардың бұл ерлігі ел есінде мәңгі қалады, – деп мәлімдеді Димаш Құдайберген.
Атап айтар болсақ өз кезегінде Димаш Құдайберген де игі істен шет қалмай, туған жері Ақтөбеге сапар жасап, қайырымдылық қорына 15 миллион теңге аударды.
Бақдәулет МАНАРБЕК, лейтенант
Батыс ӨңҚ баспасөз қызметінің офицер корреспонденті
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
