КіруӘЛ-ФАРАБИДІҢ 1150 ЖЫЛДЫҒЫНА ОРАЙ ҒЫЛЫМИ-ПРАКТИКАЛЫҚ КОНФЕРЕНЦИЯ ӨТЕДІ
«Әлемнің екінші ұстазы» атанған Әбу Насыр Әл-Фараби 1150 жылдығына орай Орал қаласында ғылыми-практикалық конференция өткізу жоспарланған. Бұл туралы бүгін атаулы даталарға орай өтетін шаралар пысықталған жиында айтылды. Басқосуға қала әкімі Абат Шыныбеков пен атаулы мерейтойларды өткізу бойынша құрылған жұмыс тобының мүшелері қатысты.
Биыл шығыстың ғұлама ойшылы, математик, астролог, музыка теоретигі, Аристотельден кейінгі екінші ұстаз атанған Әбу Насыр Әл-Фараби 1150 жылдығы. Ғұламаның 1150 жылдық мерейтойы ЮНЕСКО көлемінде атап өтілмек. Орал қаласы мәдениет және тілдерді дамыту бөлімінің басшысы Серік Қайырлиевтің баяндауынша, ғылыми-практикалық конференциямен қатар “Ұлы Даланың Ұлы тұлғасы, ұлтымыздың мақтанышы” атты кинолекторий, кітап көрмелерін өткізілмек. Сонымен қатар қалалық жолаушы көліктеріне атаулы мерейтойларға арналған брендбук негізінде бейнелері мен нақыл сөздері бейнеленген постерлер жапсырылып, ғимараттардың қабырғасына стрит-арт салу жоспарланып отыр.
Әбу Насыр Әл-Фараби 870 жылы Арыс өзенінің Сырға барып құятын сағасындағы Фараб қаласында дүниеге келген. Ғұлама ойшылдың толық аты-жөні – Әбу-Насыр Мұхаммед ибн Мұхаммед Тархан ибн Ұзлағ Әл-Фараби.
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу