КіруӨңірлік инвестициялық штаб отырысы өтті
Аймақ басшысы Нариман Төреғалиевтің төрағалығымен облыстық инвестициялық штабтың кезекті отырысы өтті. Жиынға облыс прокуроры Нұрбек Ұласбекұлы, салалық басқармалар мен жергілікті және шетелдік компаниялардың басшылары қатысты. Аудан әкімдері селекторлық режимде байланысқа шықты. Аймақ басшысы Президент Қасым-Жомарт Тоқаевтың инвестиция тарту бағытында жүктеген тапсырмаларын жүйелі орындай отырып, экономикалық өсімді арттырудың маңызын атап өтті.
Облыстық кәсіпкерлік және индустриалдық-инновациялық даму басқармасының басшысы Нұржан Өтепбаевтың айтуынша былтыр негізгі капиталға тартылған инвестиция көлемі 13,7% артып, 874,5 млрд теңгені құрады. Биылғы меже 1 трлн 51 млрд теңге деңгейінде белгіленген. 2026 жылдың І тоқсанының қорытындысы бойынша инвестиция көлемі 135,4 млрд теңгеге жетіп, 2025 жылдың тиісті кезеңімен салыстырғанда 22,3% өсім көрсетті. Мемлекет басшысының жеке инвестициялар көлемін арттыру туралы тапсырмасы шеңберінде 94,2% немесе 127 млрд теңгеге қол жеткізілді.
Жиында 11 серіктестік өкілі өздерін толғандырған сұрақтарын қойды. Инвесторлар инженерлік желілерді тарту, қаржыландыру тетіктері және жер телімдерінің нысаналы мақсатын өзгертуге қатысты мәселелерді көтерді. Нариман Төреғалиев әр кәсіпкердің уәжін мұқият тыңдап, оларды шешу бойынша жауапты құрылымдарға нақты тапсырмалар жүктеді.
Облыс прокуроры Нұрбек Ұласбекұлы Ұлттық цифрлық инвестициялық платформа және бірыңғай индустрияландыру картасы шеңберінде жобаларды сүйемелдеу бойынша атқарылған жұмыстарға тоқталды.
Инвестициялық штаб отырысын қорытындылаған аймақ басшысы Орал қаласы мен барлық аудан әкімдері жоспарлы межеге қол жеткізу мақсатында жұмысты одан әрі ширату қажет деді. Одан бөлек инвестиция тарту үдерісін бақылауға бағытталған телеграм-бот ашуды тапсырды.
БҚО әкімінің баспасөз қызметі
Соңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
