КіруӨңір басшысы көңіл айту жеделхатын жолдады
Облыс әкімі Нариман Төреғалиев Оралдағы көпбейінді қалалық ауруханаға барып, өрттен зардап шеккен азаматтардың жағдайын білді.
Әкім Денсаулық сақтау басқармасының басшысына және аурухананың бас дәрігеріне жарақат алған азаматтарға тиісті медициналық көмек көрсетіп, жағдайды бақылауда ұстап отыруды тапсырды.
Өрттен зардап шеккен 5 адам Оралдағы көпбейінді қалалық ауруханада дәрігерлік бригаданың көмегін алуда. 2 ер адам және 2 әйел адам жансақтау бөлімінде. Ал бір ер адам травматологиялық бөлімде.
Естеріңізге сала кетейік, бүгін түнгі сағат 02.07-де 101 пультіне Оралдағы Сырым Датов көшесі, 52 мекенжайындағы «Rizyq» дәмханасында өрт шыққаны туралы хабарлама түскен. Апат салдарынан 2 адам қаза тапқан болатын. Ал, түстен кейін тағы бір адамның денесі үйінділер астынан табылғаны туралы ақпарат түсті.
Облыс әкімі Нариман Төреғалиев өрт салдарынан қаза тапқан азаматтардың отбасына көңіл айту жеделхатын жолдады.
«Орны толмас қайғыларыңызды терең күйзеліспен қабылдадым. Көз жұмған азаматтардың жатқан жері жайлы, топырағы торқа болсын!»,– делінген жеделхатта.
Облыс әкімінің баспасөз қызметі
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
