КіруХАЛЫҚ ӘНДЕРІМЕН СУСЫНДАДЫ
Бүгін Ғ.Құрманғалиев атындағы облыстық филармонияның кіші залында қалалық ішкі саясат бөлімінің қолдауымен, «Jas Otan» жастар қанаты облыстық филиалының ұйымдастыруымен «Қара өлең – халық қазынасы» атты концерттік бағдарлама өтті. Тағылымды кеште аға буын өкілдері жас ұрпақты жанды дауыстағы сазды әуендерімен ұйытты.
«Ардагерлерді ардақтайық» жобасы аясындағы концерттік бағдарламада халық әндерін дәріптеуші ата-әжелерден құралған шығармашылық ұжымдар көрерменге мерекелік көңіл-күй сыйлады. Әдемі кеште республикалық байқаулардың лауреаты, халықтық «Ағалар әуені» вокалды тобы, халықтық «Әже сәлемі», «Асыл ана», көпұлтты, көпбалалы халықтық «Аруаналар» вокалды топтары «Кестелі орамал», «Қариялар», «Гүл-гүл жайна!», «Аруана», «Ахау, бикем», «Көзімнің қарасы», «Хәләулім-ай» сынды әндерді орындап, тыңдармандардың ыстық ықыласына бөленді. Айта кету керек, «Ардагерлерді ардақтайық» жобасы шеңберінде «жасотандықтар» Ұлы Отан соғысы, тыл ардагерлерінің үй жұмыстарына да қолқабыс көрсетіп, спорттық және мәдени шараларды жиі ұйымдастырып келеді.
Кәусар БАЙҒАЛИЕВА
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу