«Гастролер-ұрылар» ұсталды!

Оралда «гастролер-ұрылар» қылмыстық тобы ұсталды. Батыс Қазақстан облысы ПД криминалдық полиция басқармасының жедел қимылдау нәтижесінде, ағымдағы жылдың наурыз айында Орал қаласында пәтер ұрлығын жасау мақсатында еліміздің басқа өңірлерінен келген төрт қылмыскер құрықталды. Олардың үшеуі Нұр-сұлтан, Шымкент және Семей қалаларының тұрғындары, болып шықты. Бұл топтың ұйымдастырушысы еліміздің оңтүстік өңірінен шыққан қылмыскерлер . Орал қаласында алдын ала жалға алынған пәтерде тұрып, астыртын әрекет ету шараларын жасаған көрнеді.
Сонымен қатар, қатысушылардың бірі 2020 жылдан бастап, мемлекетаралық іздеуде жүр екен.
Қылмыс кезінде ұрылар алдын-ала жасалған жоспарға сәйкес әрекет еткен, олардың әрқайсысы өз рөлдерін бөлген. Арнайы іс-шаралар кешенін мақсатты әзірлеу және өткізу нәтижесінде ұрылар коттедждердің бірінде ұрлық жасаған кезде ұсталды. Олар пайдаланған автокөлікті тексеру барысында ұрланған үлкен ақша сомасы, есік құлыптарын бұзуға арналған құралдар мен рация, сонымен қатар жалға алынған пәтерді тінту кезінде бағалы алтын бұйымдар тәркіленді. Қазіргі уақытта олардың басқа да ұқсас ұрлықтары әшкереленді, және басқа да ашылмаған қылмыстарға қатыстылығын тексеру жалғасуда.Сондай-ақ, ағымдағы жылдың сәуір айында Атырау қаласының 2 тұрғынынан тұратын қылмыстық топ ұсталды. Олардың Орал қаласы аумағындағы пәтер ұрлығының 3 фактісі дәлелденді. Ағымдағы жылдың басынан бері облыстың полиция қызметкерлері 34 пәтерлік ұрыны ұстады, қылмыстық құқық бұзушылықтың осы түрін жасауға мамандандырылған 6 қылмыстық топтың қылмыстық жолын кесті. Олардың қылмысы дәлелденсе, күдіктілерді 10 жылға дейін бас бостандығынан айрылу жазасы күтіп тұр.
Айнара ИСА

Версия для печати