КіруЕсірткі сатқаны үшін 10 жылға сотталды
Оралда аса ірі мөлшерде есірткі сатқан екі баланың анасы Колбасина Юлия 10 жылға сотталды. Үкім облыстық мамандандырылған ауданаралық қылмыстық істер жөніндегі сотта оқылды.
45 жастағы әйел синтетикалық есірткі сақтап, оны заңсыз таратқаны үшін айыпқа тартылды. Ол өткен жылдың желтоқсан айының соңында қолға түссе де, тергеу амалдары осы кезеңге дейін жүргізілді. Бұл видео күдіктінің қолқа түскен сәтінде түсірілген. Ол телеграмм каналы арқылы тапсырыс қабылдап, межелі жерге өз көлігімен жеткізіп отырған.
Күдік тудырған көлікті тоқтатқан полицейлер оның жүксалғышынан 74 кішкентай қалташадан бір келіден аса синтетикалық затты анықтады. Сол сәттен бастап үй қамағында болған әйел бүгін сот залында түрмеге тоғытылды. Ол өз кінәсін толықтай мойнына алды.
Облыстық мамандандырылған ауданаралық қылмыстық істер жөніндегі сотының судьясы Асланбек Дүйсенғалиев сот үкімінің заңды күшіне енбегенін жеткізді. – Күдікті Колбасина жазасын қауіптілігі орташа мекемеде өтейтін болады. Ол ҚР ҚК 297-бабы 3-бөлімінің 1,3,5 тармағы бойынша кінәлі деп танылды. 10 жылға бас бостандығынан айырылды. Ал оның кәмелетке толмаған екі баласын асырап-бағу бойынша тиісті құзырлы мекемелер шешім шығаратын болады,- деді облыстық мамандандырылған ауданаралық қылмыстық істер жөніндегі сотының судьясы Асланбек Дүйсенғалиев.
Айнара ИСА
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу