КіруЕЛ ҮЛЕСІНЕН 95-ШІ ПӘТЕР
БҚО-да «Ел үлесі пәтерге» жобасы аясында 95-інші пәтер берілді.
Бас мүфтидің бастамасымен өткен жылы республика аумағында «Ел үлесі – пәтерге» қайырымдылық акциясы бастау алған болатын. Мақсат – мұқтаж отбасыларға баспана алып беру.
Қазақстан мұсылмандары діни басқармасы жанындағы «Зекет» қорының «Ел үлесі – пәтерге» жобасы аясында өңірдегі екінші баспана Батыс Қазақстан облысы, Бөрлі ауданы, Ақсай қаласынан аз қамтылған отбасыға табысталды.
– «Ел үлесі – пәтерге» – тұрмысы төмен көпбалалы отбасыларға халық болып қаражат жинап, үй алып беруді көздейтін жоба. Осылайша, жоба аясында – Бөрлі ауданы Ақсай қаласы мешітінің ұжымы және жамағатының қолдауымен аудан көлеміндегі мешіттерде жиналған қаражаттың арқасында жалғызбасты анаға Кеңтүбек ауылынан үй алып бердік. Осынау сауапты іске Бөрлі ауданының мешітінің жамағаты белсенді түрде атсалысты. Бізді қолдаған барша жамағатқа Сіздердің атыңыздан Алғыс білдіргіміз келеді. Бүгінгі қуаныш иесін жаңа баспанасымен шын жүректен құттықтаймыз. Қоныс құтты болсын,- деді өкіл имам Еркебұлан Қарақұлов.
Бөрлі ауданы Кеңтүбек ауылынан баспаналы болған аз қамтылған отбасы баспанасыздықтың зардабын көп тартқан. Жомарт жандардың жәрдемінің арқасында осы жанұяға баспанамен қоса қысқа толқынды пеш, шаңсорғыш және т.б тұрмыстық қажетті жабдықтар табысталды. Алдағы уақытта аудандық мешіт ұжымы жамағатпен бірігіп, жиһаздармен қамтамасыз етпекші.
Айта кетейік, аталмыш жобаны мешіт имамдарының халыққа, жамағатқа түсіндіріп жеткізе білген насихаттарының нәтижесінде іске асуда.
Үміт Жәңгірова, Бөрлі ауданы
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу