КіруДәстүр дәріптелген думан
19 наурыз күні ғасырдан аса тарихы бар Жаһанша Досмұхамедов атындағы жоғары педагогикалық колледжінде «Дәстүр мен береке бастауы – Наурыз!» атты кең ауқымды мерекелік шара өтті.
Ұлттық құндылықтарды ұлықтаған тағылымды кешке колледж ардагерлері, арнайы шақырылған қонақтар, оқытушылар, ата-аналар мен студенттер қатысты. Мерекелік бағдарлама барысында сахна төрінде ән мен күй әуелеп, мың бұралған бишілер қазақы нақыштағы өнерлерін паш етті. Наурызнаманың онкүндігі аясында әр атаулы күнге орай түрлі кафедра студенттері мазмұнды көріністер ұсынып, ұлттық дәстүрлердің терең мәнін ашып көрсетті.
Атап айтқанда, Көрісу күніне орай қазақ тілі және әдебиеті кафедрасы тағылымға толы шара ұйымдастырса, Қайырымдылық күні аясында «Ынтымақ» қайырымдылық клубы мен мектепке дейінгі тәрбие және оқыту кафедрасы игі акциялар өткізді. Ал Мәдениет және ұлттық салт-дәстүр күніне байланысты үш кафедра «Бастаңғы», «Шашбау тағу», «Қара шаңырақ – қастерлі ұғым» атты қойылымдарын сахналады. Ұлттық киім күніне орай көркем еңбек және технология кафедрасы сән үлгісін көрсетіп, көрермендердің зор ықыласына бөленді.
Сонымен қатар, дене шынықтыру және спорт кафедрасы ұлттық ойын түрлерін дәріптеп, тымақ ұру, табан тартыс, ләңгі, асық ойындарын көпшілікке таныстырып, қонақтарды да белсенді қатысуға шақырды. Ал Ынтымақ күніне орай орыс тобы студенттерінің ұйымдастыруымен «Жаворонок» атты әсерлі қойылым көрермен назарына ұсынылды.
Мерекелік нөмірлерден кейін колледж директоры Алтынгүл Жақсығұлқызы сөз сөйлеп, жиналған қауымды Ұлыстың ұлы күнімен құттықтап, келген қонақтарға алғысын білдірді. Сондай-ақ, ардагер ұстаздар мен қонақтар, колледж оқытушылары мен студенттері түрлі аталымдар бойынша марапатталып, сый-сияпатқа ие болды.
Шара соңы колледж алаңында құрылған киіз үйді тамашалау мен ұлттық ойындарға ұласып, мерекелік көңіл күйді одан әрі айшықтай түсті.
Дәметкен САҒЫНБАЕВА
Соңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
