КіруБІР САҒАТТА ҮШ АДАМ ҚАЗА ТАПТЫ
Кеше кешкі сағат 21.00 мен 22.00 аралығында БҚО-да үш жол көлік оқиғасы тіркеліп, 3 адам бақилық болды. Бұл туралы БҚО ПД-де өткен брифингте сала мамандары мәлімдеді. Жол көлік оқиғаларының негізгі себептерінің бірі – жылдамдықты шектен тыс асыру болып отыр.
Нақтырақ тоқталып өтсек, екі қайғылы оқиға облыстық маңызы бар тас жолда орын алса, біреуі бас шаһардағы көшелердің бірінде тіркелді. «Орал- Озинки» тас жолы бағытының 18 шақырымында жолдан шығып, бірнеше рет аударылған Гольф көлігінің 1976 -шы жылғы жүргізушісі алған жарақаттарының салдарынан ажал құшты. Оның Бәйтерек ауданының тумасы екені анықталды. Сарыөмір бағытындағы жолда Ваз 21/99 көлігінің жүргізушісі трактормен соқтығысып, оқиға орнында көз жұмған. Айта кету қажет, қос азамат та көлік жүргізу құқығынан айырылғаны белгілі болды. Ал бас шаһардағы оқиғаны сала мамандары былай мәлімдеді. – Оқиға Зашаған кентіндегі Брусиловский көшесі мен Орал-Озинки тас жолының қиылысында болды. 23 жасар азамат белгіленбеген жол қиылысынан өтіп бара жатқан 50-55 жастағы азаматты қағып кетті. Ол жедел-жәрдем қызметі келгенге дейін қаза тапты. Ал көлік тізгіндеушінің үстінен бүгінгі таңда ҚР ҚК 345/3 бөлігі бойынша сотқа дейінгі тергеу амалдары басталды, – деді БҚО ПД Жергілікті полиция қызметі басқармасының бастығы Кенжебек Қоспаев. Брифингте полицейлер Орал қаласындағы жиі жол-көлік оқиғасы болатын аудандарды атап өтті. Мәселен, Жәңгір хан көшесі бойындағы Жазира және №20 мектеп аудандарындағы жолдар тұрғындар үшін қауіпті саналады.
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу