КіруБАУЫРЖАН МЕН ТӘУЕКЕЛ «ӨНЕР БАРЫСЫ» АТАНДЫ
12 маусым Қадыр Мырза Әли атындағы мәдениет және өнер орталығында қазақ күресінен ересектер арасында «Өнер барысы» турнирі өтті. Ауқымды шара барысында өнер иелері – танымал шығармашылық тұлғалар бас жүлдені сарапқа салды.
Дүбірлі додаға қатысушылар бапкерлердің нұсқауымен жаттығу барысында күрес техникасын шебер меңгеріп, үлкен дайындықпен келген. Жарыс қазақ күресі бойынша бекітілген ережелерге сәйкес өткізілді. Өңіріміздің ұлттық дәрежедегі белді төрешілері палуандарға өз бағаларын берді.
Жарыстың басты мақсаты – ұлттық спорт түрі қазақ күресін дәріптеу және жастар арасында салауатты өмір салтын насихаттау.
Білекті палуандар күресін тамашалауға жиналғандардың қарасы көп болды. 1000-ға жуық көрермен мінбелерді толтырды. Белдесулер арасында әріптестеріне қолдау көрсетуге келген қаламыздың белгілі орындаушылары өз өнерлерін ортаға салды.
Шараның қорытындысы бойынша жеңімпаздар екі салмақ санатында анықталды. Екі топқа бөлініп белдескен палуандар арасында 70 келіден жоғары салмақта Бөрлі ауданынан Тәуекел Бақытжан бірінші орынды жеңіп алды. Екінші орынды Ақжайық ауданынан Дәулет Шамелов еншіледі. Үшінші орынға Қазталов ауданынан Жігер Маусымов жайғасты.
Ал 70 келіге дейін салмақта белдескен топ арасынан Бауыржан Бисқалиев суырылып алға шығып, «Өнер барысы» белдігін жеңіп алды. Хайруллин Бекболат тиісінше екінші орынды еншілесе, Асxат Қален жүлде көмбесінің үшінші сатысына көтерілді. Сондай-ақ Асxат «Үздік теxникасы үшін» алғыс xатымен марапатталды. «Жеңіске деген жігер үшін» Естеміс Мұқанбетов марапатталса, Мейірбек Қанатов «Жас палуан» атанды.
І орын иеленген қос палуан Бауыржан мен Тәуекел «Өнер Барысы» белдігіне ие болып, 50 000 теңге берілді.
Екінші орын алғандар 30 000 теңге, үштікті түйіндегендер 20 000 теңге ақшалай сыйлыққа ие болды.
Соңғы жаңалықтар
БҚО-да жол қозғалысы ережесін сақтамаған жүргізуші жауапқа тартылды
160 мың мұғалімге ChatGPT Edu: теледебаттың басты тақырыбы – білім мен жасанды интеллект
Әдеп жөніндегі кеңесте білім беру саласындағы сыбайлас жемқорлық тәуекелдері қаралды
Экология, өндіріс және медицина: партиялардың сайлау науқанында көтерген басты тақырыбы қандай?
Теректі ауданында «Адал еңбек – адал табыс» атты экологиялық акция өтті
Шыңғырлау ауданында мемлекеттік қызметшілер арасында тимбилдинг іс-шарасы өтті
Шағырлой ауылында «Әділдік пен адалдық – өмірлік ұстаным» атты таным сағаты өтті
«Сайлау-2026: жаңа саяси конфигурациядағы өңірлер» тақырыбында «КИСИ GPS: Gylym. Pikir. Sayasat» ұлттық сарапшылық алаңының отырысы өтті
Ең төменгі жалақы, алимент, экология: жеті партия сайлаушылармен нені талқылап жатыр?
Елімізде жаз басталғалы бері қайта жаңғыртудан өткен 70 теміржол вокзалы ашылды
Оралда азық-түлік дүкеніне қарақшылық шабуыл жасаған күдікті ұсталды
Жүгіру, пікірталас және еркін форматтағы әңгіме: Қазақстандағы сайлауалды дода қалай өтіп жатыр?
Пікір үстеу