КіруБАТЫС ҚАЗАҚСТАНДА ҚЫЗЫЛША ЖҰҚТЫРҒАНДАР 40-ТАН АСТЫ
Бұл туралы облыстық қоғамдық денсаулық сақтау департаментінің басшысы Жайдар Құрманов мәлім етті.
Ауру жағдайлары Орал қаласы, Бөкей Орда, Бөрлі, Бәйтерек, Сырым, Теректі аудандарында тіркелген. Аурушаңдық үлкендер арасында басымырақ. Расталған 41 жағдайдың 16-сы 14 жасқа дейінгі балалар.
– Облыстық денсаулық сақтау басқармасымен бірге тиісті іс-шаралар кешені жасалды. Арнайы құрылған штаб облыстық, аудандық деңгейде 20-дан аса кеңес өткізді. Осы аурулармен байланыста болған 1141 адам анықталып, эпидемиологиялық көрсетілімдеріне қарай 145-іне екпе салынды. Бекітілген екпе күнтізбесі бойынша қызылшаға қарсы екпе бала 12 айға толғанда жасалады. Одан кейін 6 жасқа келгенде қайта екпе беріледі. Бірақ, қазіргі жағдайда, яғни 1 жасқа дейінгі балалардың ауруға шалдығуы кезігіп отырғандықтан, елімізде 9-10 айынан бастап сәбилерге екпе жасау туралы шешім қабылданған болатын. Бүгінде өңірге 12 мың дозалық вакцина жеткізілді. Әлі екінші жеткізілім күтілуде. 1 сәуірден бастап вакцинациялау жұмыстары басталды, – деді Құрманов.
Департамент басшысы атап өткендей, 9-10 ай аралығындағы сәбилер, 40 жасқа дейінгі медицина қызметкерлері, 30 жасқа дейінгі, екпе статусы белгісіз науқаспен қарым-қатынаста болғандар, мүлдем екпе алмағандар егілуде. Сондай-ақ балаларына екпе жасатудан бас тартқандардың 37-сі осы аурудың белең алуына байланысты ойларын өзгертіп, екпе салдырған. Екпе алу тегін.
Қызылша жөнінде мәлімет алу үшін облысымызда құрылған call-орталықтың 8-711-51-82-55, 8-747-760-57-04 телефондарына хабарласуға болады. Сall-орталық тәулік бойы жұмыс жасайды.
Эльмира НҰҒМАНОВА
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу