КіруБарымташылар ұсталды
БҚО ПД Криминалдық полиция басқармасы қызметкерлері БҚО аумағында мал ұрлықтарымен айналысқан қылмыскерлерді ұстады.
Ағымдағы жылдың 23 шілдесінде «102»-ге жергілікті тұрғыннан телефон қоңырауы түсіп, мал қамағынан қойларының ұрланғаны туралы хабарлады. Оқиға орнына жедел-тергеу тобы жіберілді.
Тексеру барысында белгісіз тұлғалардың 22 шілдеге қараған түні мал қамағына заңсыз кіріп, 9 қошқарды жасырын ұрлап кеткені анықталды.
Қылмыс орнына келген полиция қызметкерлері қаскүнемдердің іздері табылған оқиға орнына мұқият тексеру жүргізді. Криминалистикалық есепке алу базалары бойынша қалдырылған іздерді тексеру кезінде күдіктілердің жеке басы анықталды.
Жүргізілген жедел-іздестіру іс-шараларының нәтижесінде қылмыскерлер ізін суытпай ұсталды. Олар бұрын қылмыстық жауапкершілікке тартылған облыс орталығының жергілікті тұрғындары болып шықты.
Мал ұрлаған қылмыскерлер өз кінәсін мойындады. Тергеу экспериментінде олар жануарларды кесетін орынды көрсетті. Олардың бұрын жасалған басқа да ұқсас қылмыстарға қатысы бар-жоғы анықталуда.
ҚР ҚК 188-1-бабы «Мал ұрлығы»бойынша қылмыстық іс қозғалды. Олар мүлкін тәркілеп, 10 жылға дейін бас бостандығынан айырылуы мүмкін.
Өз тілшіміз
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу