КіруБАЛАЛАРҒА – СЫЙ
Орал қаласы әкімдігінің ұжымы биыл қала әкімі Мұрат Мұқаевтың бастамасымен Жаңа жылды тойлаудан бас тартты. Оның орнына әр түрлі санаттағы балаларға сыйлықтар үлестіріп, қуаныш сыйлауда. Жаңа жылдық қайырымдылық шыршаларын ұйымдастыруға оралдық жеке кәсіпкерлер де атсалысып келеді.
Бүгін «Мақсат» мейрамханасы мүмкіндігі шектеулі балалар үшін мерекелік ертеңгілік ұйымдастырды. «Бәйтерек» мүмкіндігі шектеулі балалар» қоғамдық бірлестігі ұйытқы болған шараға 75 бала қатысты. Балалардың қуанышына қала әкімінің орынбасары Бекжан Тоғжанов ортақтасып, қала әкімі атынан Жаңа жылмен құттықтады.
– Қадірменді балалар сіздерді жылдың ең айтулы мерекесімен құттықтаймыз. Алдымен ата-аналарға еңбектеріңіз үшін алғыс білдіреміз. Баларымыздың дені сау болып, сабақтарын жақсы оқып, сіздерді қуанта берсін. Ең бастысы – елімізде бейбітшілік пен тыныштық болуын тілейміз, – деді Б.Тоғжанов.
Мерекеде қала әкімдігі атынан балаларға тәтті сыйлықтар тарту етілді. Думан аниматорлар мен мамандар дайындаған көңілді ойындармен жалғасты.
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу