КіруБҚО-ДА ЖОЛ-КӨЛІК АПАТЫНАН 6 АДАМ КӨЗ ЖҰМДЫ
Қайғылы жағдай бүгін, 22 ақпан күні Атырау-Орал тасжолының бойында Ақжайық ауданының Атамекен және Алмалы ауылдарының аралығында болған. Оқиға туралы ҚР ТЖМ БҚО ТЖД ӨС және АҚЖҚ (Орал.қ) күштер мен құралдарды жедел басқару орталығына хабар түскен.
Атырау-Орал тасжолының 259 шақырымында «Лада Приора» және «Тойота Королла» маркілі 2 көлік соқтығысқан. Жол-көлік оқиғасы салдарынан 2 ер адам мен 4 әйел жедел жәрдем келгенше оқиға орнында көз жұмды. БҚО ТЖД құтқарушылары арнайы құралдардың көмегімен марқұмдардың денесін көліктен алып шықты.
Ал «Тойота Королла» автокөлігінің жолаушысы түрлі жарақаттармен ауруханаға жеткізілді.
Денсаулық сақтау басқармасы баспасөз қызметі мәлім еткендей, Ақжайық ауданындағы Тайпақ ауылдық ауруханасы жеткізілген 1978 жылғы азаматтың жақ сүйектері сынған, іш қуысына зақым келген.
БҚО Полиция департаментінің мәліметінше, жыл басынан бері БҚО аумағында 29 жол-көлік оқиғасы тіркелген. Жол апаты салдарынан 14 адам қайтыс болды, 61 адам жарақат алды. Осы ретте Полиция қызметкерлері жүргізушілерден қозғалыс кезінде мұқият болуды, жылдамдықты, қауіпсіз қашықтықты және маневр жасау ережелерін қатаң сақтауды ескертеді.
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу