КіруБҚО-ДА ПОЛИЦЕЙ ЖҮКТІ ӘЙЕЛДІ ҚҰТҚАРДЫ
Батыс көлік полициясының қызметкері босанғалы жатқан жүкті әйелді ауруханаға жеткізіп, құтқарып қалды.
ҚР ІІМ Көліктегі полиция департаментінің баспасөз қызметінен түскен мәліметке қарағанда, оқиға 6 ақпан күні Қазақстан станциясынан (Ақсай қаласы) 3-4 шақырым жерде болды.
Аиза Жолдаспаева күйеуі Нұрболмен бірге Орал-Алматы жолаушылар пойызымен Ақтөбеге бара жатқан. Алайда Қазақстан станциясынан шыққаннан кейін 8 айлық жүктілігі бар 38 жастағы әйелден қан кетіп, жағдайы күрт нашарлаған. Пойыз сол бойда тоқтап, машинист-диспетчер шұғыл көмек керектігін хабарлаған.
Оқиға орнына Қазақстан станциясындағы желілік полиция бөлімінің бастығы Мұқатай Аяпов бірінші болып жеткен. Пойыз далада тұрғандықтан, оған жедел жәрдем көлігі жете алмайтын еді.
Полиция подполковнигі Мұқатай Аяпов күртік қарға қарамастан, әйелді көтеріп алып шығып, автокөлігімен Бөрлі аудандық орталық ауруханасына жеткізген. Ауруханада әйелге кесар тілігімен ота жасалып, дүниеге қыз бала келді.
Нұрбол Жолдаспаев қазіргі кезде әйелі мен қызының жағдайы жақсы екендігін айтып, көлік полициясы қызметкеріне алғысын білдірді.
http://batys.ortcom.kz/
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу