КіруБҚО-ДА БИЫЛ ТҰРҒЫН ҮЙ ҚҰРЫЛЫСЫ ҮШІН ЖЕР УЧАСКЕЛЕРІН БЕРУ БАСТАЛАДЫ
Бұл туралы бүгін, 20 ақпан күні халықпен онлайн есептік кездесуінде облыс басшысы Ғали Есқалиев мәлім етті.
Өткен жылы облыста жалпы ауданы 529 мың шаршы метрді құрайтын 4838 пәтер пайдалануға берілді. Соның ішінде кезекте тұрғандарға арналған 527 пәтер, көп пәтерлі отбасыларға арналған 53 пәтер ұсынылды. 2021 жылы кезекте тұрғандарға Орал мен Ақсай қалаларында 1126 пәтер, ауылдық жерлерде 640 пәтер салу жоспарланған.
Облыста тұрғын үйге сұраныс жоғары. Азаматтардың Орал қаласында салынып жатқан көппәтерлі түрғын үй құрылыстары туралы ақпаратқа қолжетімділігін қамтамасысз ету үшін www.uralsk.smartmap.kz веб-сайты жасақталды. Дәл осындай сайт енді Ақсай қаласы бойынша дайындалмақ.
Биыл көктемде Орал қаласында «Ақжайық» шағынауданының құрылысы басталады. Есептік жиында облыс басшысы инвесторларды әлеуеті жоғары жаңа шағынауданда құрылыс жүргізуге шақырды.
– Екі жергілікті инвестор бар және басқа өңірлердің құрылыс компаниялары өтініштерін білдірді. Әлеуеті жоғары жаңа шағынауданда құрылыс жүргізу үшін инвесторларды жер алуға шақырамын. Барлық рәсімдер ашық, «Aqjaiyq» әлеуметтік-кәсіпкерлік корпорациясының www.aqjaiyq-spk.kz ресми сайтында барлық мәліметтер бар. Сондай-ақ биыл жеке тұрғын үй құрылысын жүргізу үшін 1800-дей жер уческесі берілмек. Олар – Қаратөбе, Федоровка және Круглоозерный ауылдары аумағынан берілетін болады, – деді Ғали Нәжімеденұлы.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу