КіруБҚО-ДА БІР АПТАДА 42 ОҚУШЫДАН КОРОНАВИРУС ИНФЕКЦИЯСЫ АНЫҚТАЛДЫ
Бұл мәселе бүгін, 8 ақпан күні БҚО әкімі Ғ.Есқалиевің төрағалығымен өткен коронавирустық инфекцияның таралуының алдын алу жөніндегі облыстық жедел штабтың отырысында қозғалды.
Коронавирустық инфекция бойынша эпидемиологиялық бағалау матрицасында облысымыз «сары» аймақ деңгейінде. Бірақ, әлі қауіп сейілген жоқ. Соңғы аптада аурушаңдықтың 600-ден астам жағдайы тіркелді. Инфекция көп жағдайда жұмыс жасайтындардың санатынан анықталып отыр. Облыстың бас санитариялық дәрігерінің қаулысына сәйкес мемлекеттік органдар, квазимемлекеттік сектор бойынша қызметкерлердің 80 пайызы онлайн жұмыс жасауға көшуі тиіс. Алайда, мемлекеттік қызметшілердің қатарынан ауру жағдайлары тіркелуде. Зейнеткерлер, оқушылар мен мұғалімдер, дәрігерлер арасында да ауру жиі тіркеліп отыр. Бір апта ішінде 42 оқушының және 16 мұғалімнің инфекция жұқтырғаны анықталған.
– Бұрын мектепте 1 жағдай тіркелсе, сол оқушы оқитын сынып қана карнтинге жабылатын. 8 ақпанда шыққан қаулыға сәйкес, балабақшада немесе мектепте симптоматикалық белгілермен 1 оқиға тіркелсе, білім ұйымы толықтай 14 күнге карантинге жабылады. Бұл – соңғы шара. Өйткені кейінгі уақытта мұғалімдер мен оқушылар арасында аурушаңдық көбейіп тұр, – деді Мұхамғали Арыспаев.
БҚО бойынша Орал қаласында аурушаңдық дерегі көп. Бұдан бөлек Бөрлі, Бәйтерек, Ақжайық, Тасқала, Шыңғырлау аудандарында ауру дерегі азаймай тұр.
1-8 ақпан аралығында облыста коронавирустық инфекцияның 643 жағдайы тіркелген. Өткен тәулікте,яғни 8 ақпан күні инфекция 51 адамда анықталды.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу