КіруАЗАМАТТЫҚ НЕКЕДЕГІ ӘЙЕЛІН ПЫШАҚТАП ТАСТАҒАН
Бүгін азаматтық некедегі әйелін пышақтап өлтірген оралдық Андрей Кошиков 13 жылға сотталды. Қанды оқиға үстіміздегі жылдың 2-ші тамызында түнгі сағат бірдің шамасында болған.
45 жасар оралдық Андрей Кошиков пен оның азаматтық некедегі әйелі Наталья Зуенко ішімдік ішеді. Кейін өзара дауласып, Зуенконы Кошиков үйден қуып шығады. Әйел үйге қайта кірмек болады, алайда оны пәтеріне кіргізгісі келмеген А.Кошиков Зуенконы итеріп жібереді. Осылайша үйге кіре берісте өзара кикілжіңге келген екеуі төбелесіп, Андрей пышақпен есікті жартылай ашып, бірнеше мәрте Наталья Зуенкоға соққы жасайды. Алған жарақаттарының салдарынан Зуенко оқиға орнында жан тапсырады. Осылайша, көңіл көтерудің ақыры қайғылы оқиғамен аяқталады.
БҚО мамандандырылған ауданаралық қылмыстық сотының судьясы Бақыт Ермахановтың айтуынша, Кошиков бұған дейін бірнеше рет сотталған.
– 1995 жылы кісі өлтірумен 12 жылға сотталған. Одан кейін жол жүру қауіпсіздігін бұзғандары үшін сотты болған және притон ұйымдастырғаны үшін және ірі көлемде есірткі заттарын сақтағаны үшін сотты болған. Яғни 17 жасынан сотты болған ол 20 жылдай түрмеде отырған, – деді ол.
Кінәсін мойындаған қылмыскер 13 жылға сотталды.
Сот жасы кәмелетке толмастан, түрменің тұзын татқан жігіт ағасын маскүнемдіктен мәжбүрлеп емдеу туралы шешім шығарды.
Айнара ИСА,
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу