КіруҚАЗАҚСТАНДА НАЗАРБАЕВТЫҢ СУРЕТІ БАР МОНЕТАЛАР АЙНАЛЫМҒА ШЫҒАРЫЛДЫ
Ұлттық банк номиналы 1000 теңгелік «Qazaqstannyń astanasy – Nur-Sultan» коллекциялық монеталарын айналымға шығарады, деп хабарлайды банктің баспасөз қызметі.
Номиналы 1000 теңгелік монеталар құрамдас бөлігінде алтын компоненті бар күмістен жасалған. «QAZAQSTANNYŃ ASTANASY – NUR-SULTAN» коллекциялық монеталары – «Есте қалатын оқиғалар мен біртуар адамдар» сериясынан.
Таралымы – 1000 дана, жалпы массасы – 62,2 грамм, диаметрі – 50 мм.
Монеталар 925/1000 сынамалы күмістен, массасы 46,2 грамм, құрамдас бөлігі 999/1000 сынамалы алтыннан, массасы 16 грамм, «proof» сапасымен дайындалған.
«Монеталар сатылымға шығатын күнге қатысты ақпарат Ұлттық банктің ресми сайтында қосымша жарияланады», – делінген хабарламада.
Ұлттық банк коллекциялық монеталар төлемнің барлық түрі бойынша Қазақстанның бүкіл аумағында қабылдануға, сондай-ақ, барлық банкте банк шоттарына есепке алынуға, аударылуға, ұсақталуға және айырбасталуға міндетті екенін еске салды.
Коллекциялық монеталар Қазақстан теңге сарайында дайындалды.
https://sputnik.kz/economy/20210319/16579783/Nazarbaev-suret-monetalar.html
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу