АВТОКӨЛІКТІ ЖӨНДЕУДІҢ ҮЗДІКТЕРІ АНЫҚТАЛДЫ

27 мамырда БҚО бойынша полиция департаментінің құқықтық тәртіпті қамтамасыз ету және арнайы дайындық базасы аумағында «Өрт сөндіру және авариялық-құтқару жұмыстары қызметі» мемлекеттік мекемесінің өрт сөндіру және құтқару бөлімшелері арасында «Ең үздік автокөліктің жөндеу жұмыстары» байқауы өтті.

БҚО ТЖД ішкі және сыртқы коммуникациялар тобы мамандарының хабарлауынша,аталмыш байқау 2017 жылдан бастап жыл сайын қызметкерлердің кәсіби шеберлік пен теориялық білімдерін арттыру, өрт сөндіру қызметінің өрт сөндіру және құтқару бөлімшелерінің жүргізушілер құрамы арасында өрт автокөліктеріне қызмет көрсету мен жөндеуде практикалық дағдыларды арттыру мақсатында өткізіледі.

Байқауға Батыс Қазақстан облысы Өртке қарсы қызмет гарнизоны бөлімшелерінің қару-жарағында тұрған 29 өрт сөндіру және авариялық-құтқару техникасы қатысты, автокөліктер мен олардың агрегаттарының жұмысқа қабілеттілігін тексеру және сыртқы тексеру жүргізілді және байқау қорытындысы шығарылды.

Байқау қорытындысы бойынша жеңімпаздар анықталып, номинациялар бойынша қызмет бөлімшелері марапатталды. Атап айтқанда, «Тиімді әзірлегені үшін» – № 16 өрт сөндіру бекетінің бөлімшесі, «Жаңа технологияларды енгізгені үшін» – №22 өрт сөндіру бекетінің бөлімшесі, «Ең көп еңбекті қажет ететін жөндеу» – №15 өрт сөндіру бекетінің бөлімшесі, «Арнайы автокөлікті үздік ресімдеу үшін» – ЖҚЖ №4 бөлімшесі, «Жеңіске деген жігері үшін» – №3 МӨСБ бөлімшесі, «Ескі автомобильге екінші өмір бергені үшін» – №8 өрт сөндіру бөлімі, «Үздік штабтық автокөлік»- №17 өрт сөндіру бекетінің бөлімшесі, «Қосалқы өрт сөндіру автомобилін үздік жөндеу» – № 6 өрт сөндіру бөлімі иеленді. Ал «Негізгі өрт сөндіру автомобилін үздік жөндеу» номинациясы бойынша бірінші орынды №23 өрт сөндіру бекеті иеленді.

Версия для печати