КіруАЛИМЕНТ ТӨЛЕУДЕН ЖАЛТАРҒАН 87 БОРЫШКЕР АНЫҚТАЛДЫ
БҚО Бөрлі ауданы прокуратурасы атқарушылық құжаттардың орындалуына талдау жүргізіп, алимент төлеуден қасақан жалтарған 87 борышкерді анықтады. Олардың жалпы берешегі 12 млн. теңгені құрап отыр. Бұл туралы БҚО прокуратурасы мәлім етті.
Прокуратура өкілдері хабарлағандай, алимент төлеуден жалтарып жүрген 9 аудан тұрғыны Әкімшілік құқық бұзушылық туралы кодекстің 669-бабымен әкімшілік жауапкершілікке тартылып, 53 борышкерге шекарадан шығуға уақытша тыйым салынып отыр.
Сондай-ақ, 4 қарашада борышкерлерді жұмысқа орналастыру мақсатында жұмыспен қамту орталығында арнайы жәрмеңке өткізіліп, оған 20-дан астам мекеме өкілдері қатысты. Нәтижесінде алименттен жалтарған 17 азаматқа жұмысқа орналасуға жолдамалар берілген.
Осы жылы прокуратура мен сот орындаушылардың ұйымдастыруымен дәл осындай 2 жәрмеңке өткізіліп, 9 тұлға жұмысқа орналыстырылғанын атап өту керек. Мәселен, 1 млн. теңге қарызы бар борышкер Е. Бөрлі колледжіне жүргізуші ретінде, ал берешегі 2 миллион теңгеге жуық К. «Конденсат» компаниясына күзетші-инспектор ретінде жұмысқа қабылданған. Ал 2015 жылдан бері алимент төлемей келе жатқан Б. есімді Ақсай қаласы тұрғынына қатысты полиция ҚК-нің 139-бабы 1-бөлігімен (балаларын күтіп-бағуға арналған қаражатты төлеу жөніндегі міндеттерді орындамау) сотқа дейінгі тергеп-тексеру жұмыстарын бастады.
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу