КіруҚалиев қайтадан сайланды!
Бүгін, 30 наурыз күні Орал қалалық мәслихатының үлкен залында қалалық мәслихатының сегізініші шақырылымдағы бірінші ұйымдастыру сессиясы өтті. Мәжіліске қала әкімі Миржан Сатқанов және орынбасарлары, ауылдық кенттің әкімдері, бюджеттік саладағы басқарма басшылары мен БАҚ өкілдері қатысты.
Жиынды ашып жүргізген Орал қалалық аумақтық сайлау комиссиясының төрағасы Мұхтар Давлетжанов сайлау қорытындысының нәтижелеріне тоқталып, жаңадан сайланған депутаттарға сәттілік тілеп, куәліктері мен төсбелгілерін табыстады. Бұдан кейін депутаттық корпустың шешімімен Орал қалалық мәслихатының төрағасы болып қайтадан сайланған Есентай Қалиев өз жұмысына бірден кірісіп, күн тәртібіндегі мәселелерді және төрт бағыт бойынша сайланған комиссия мүшелерін көпшілікке таныстырды.
Сессия жұмысына арнайы қатысқан Орал қаласының әкімі Миржан Сатқанов өз сөзінде жаңадан сайланған халық қалаулыларын жеңістерімен құттықтады. Соның ішінде халықтың сенімін ақтайтын барлығы 24 депутатқа сәттілік тіледі.
– Біздің ең басты мақсатымыз – елмен, халықпен тығыз байланысты болғандықтан, қашанда абыройлы болыңыздар. Сіздер халықтың сенімінен шығып, мойныңызға үлкен жауапкершілік жүктеп отырсыздар. Тұрғындардың мұң- мұқтажын бірлесе шешіп, жастарға жол көрсетер шынайы істеріңізбен үлгі бола біліңіздер,- деген шаһар басшысы Миржан Мұнайдарұлы Орал қалалық мәслихат депутаттарының бастаған істеріне зор сенім білдірді.
Г. СЕРІКҚЫЗЫ,
«Жайық Үні»
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу