КіруАдам өмірін құтқарды
Орал қаласында шайтан судан ұрттаған ер азамат өз-өзіне қол жұмсап, өмірімен қош айтыспақ болған. Абырой болғанда, полиция инспекторы оқиға орнына дереу жетіп, оның өмірін сақтап қалды. 5 жылға жуық құқық қорғау органында қызмет атқарып жатқан Елжас Серікқалиев «бұл әрекетін ерлік деп санамаймын» дейді. Абай полиция бөліміне қарасты №1 учаскелік полиция бекетінің инспекторы ретінде бұндай әрекеттермен жиі бетпе-бет келген. Алайда бұл жолғысының жөні бөлек. Көрсетілген мекенжайға келген мезетте істің насырға шапқанын және уақыт жоғалтуға болмайтынын бірден сезді. Осылайша, Елжас Меңдоллаұлы есінен танып қалған азаматтың бетінен ұрғылап, алғашқы көмек көрсеткеннен соң қайта тыныс ала бастаған. БҚО ПД баспасөз қызметі хабарлағандай, оқиға 4 желтоқсан күні кешкісін орын алған. Кезекші бөлімге белгісіз әйел адам өз-өзіне қол жұмсамақ болған ағасы бейне жазба жолдағанын және оған шұғыл түрде көмек көрсету қажеттігін хабарлаған. Қоңырау түскен бойда оқиға орнына арттанған Елжас Серікқалиевқа жағдайдың алдын алу мүмкін болды. Бүгінде ер азаматтың жағдайы қалыпты. Тұрғынмен психолог мамандар жұмыс жүргізуде. Дәрігерлердің айтуынша, оның өміріне қауіп төніп тұрған жоқ.
Айнара ИСА
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу