КіруАдалдық құндылықтары мен ұрпақтар сабақтастығын нығайтуға бағытталған шахмат турнирі өтті
Жәнібек ауданында адалдық құндылықтарын дәріптеу, ұрпақтар сабақтастығын нығайту және жастардың зияткерлік әлеуетін дамыту мақсатында жас мемлекеттік қызметшілер мен аудан ардагерлерінің қатысуымен шахмат турнирі ұйымдастырылды.
Іс-шараға ҚР Мемлекеттік қызмет істері агенттігінің БҚО бойынша департаментінің басшысы М.Байсалов, Жәнібек ауданының әкімі Т.Шиниязов, аудан ардагерлері, жас мемлекеттік қызметшілер және мемлекеттік органдардың өкілдері қатысты.
Турнирдің басты мақсаты – жастар арасында адалдық, әділдік, жауапкершілік және парасаттылық құндылықтарын дәріптеу, мемлекеттік қызметтің оң имиджін қалыптастыру, сондай-ақ аға буын мен жас буын арасындағы сабақтастықты нығайту.
Іс-шара барысында қатысушылар шахмат сайысында бақ сынап, стратегиялық ойлау қабілеттерін, сабырлылық пен әділ бәсекелестік қағидаттарын көрсетті. Сонымен қатар, мемлекеттік қызметтегі кәсібилік, қызметтік әдеп, меритократия қағидаттары, сыбайлас жемқорлыққа қарсы мәдениетті қалыптастыру және «Адал азамат» құндылықтарын ілгерілету мәселелері талқыланды.
ҚР Мемлекеттік қызмет істері агенттігінің БҚО бойынша департаментінің басшысы М.Байсалов адалдық пен жоғары адамгершілік қағидаттары мемлекеттік қызметтің негізгі тіректерінің бірі екенін атап өтіп, жастарды ел мүддесіне адал қызмет етуге, кәсіби тұрғыдан үнемі дамуға және қоғам алдындағы жауапкершілікті терең сезінуге шақырды.
Өз кезегінде Жәнібек ауданының әкімі Т.Шиниязов мұндай іс-шаралардың жас мемлекеттік қызметшілердің кәсіби қалыптасуына, тәжірибе алмасуына және ұрпақтар сабақтастығын нығайтуға ықпал ететінін атап өтті.
Іс-шара аясында Жәнібек ауданы Ардагерлер ұйымының төрағасы А.Уәлиев қатысушыларға Ардагерлер музейіне экскурсия өткізіп, аудан тарихы, өңірдің дамуына үлес қосқан азаматтардың еңбек жолы мен елге сіңірген еңбегі туралы мазмұнды ақпаратпен бөлісті.
Шара қорытындысында қатысушылар осындай тағылымды кездесулердің жастардың құқықтық және азаматтық мәдениетін қалыптастыруға, адалдық пен парасаттылық қағидаттарын кеңінен насихаттауға, сондай-ақ мемлекеттік қызметтің беделін арттыруға оң ықпал ететінін атап өтті.
Соңғы жаңалықтар
Мемлекет басшысы Қасым-Жомарт Тоқаев ҚХР Төрағасы Си Цзиньпиннің шақыруымен Шанхайға жұмыс сапарымен барды
Адалдық құндылықтары мен ұрпақтар сабақтастығын нығайтуға бағытталған шахмат турнирі өтті
Жаңа буын реакторларының қауіпсіздігі бойынша зерттеулер: Қазақстанның жаһандық атом ғылымындағы рөлі қандай?
Азаматтардың 72%-ы сайлауда дауыс беруге дайын – Еуразиялық интеграция институтының сауалнамасы
ҚР Ауыл шаруашылығы министрі Айдарбек Сапаров өңірдегі «Кублей» ет өңдеу кәсіпорнының өндірістік әлеуетімен танысты
Орал қаласының әкімі Мұрат Байменов БҚО дәстүрлі садақ ату федерациясының президенті болып сайланды
Физикадан тарихи триумф: Қазақстан әлемнің ең беделді олимпиадасында бес алтын иеленді
Робот-собака, Тәртіпбек и Тазабек на «BaiQymyz–2026»: акцию «Закон и порядок» провели на гастрофесте в Астане
Қала аумағында абаттандыру талаптарының сақталуына бақылау күшейтілді
Орал қаласының мәдениет және тілдерді дамыту бөлімінің басшысы тағайындалды
Сыбайлас жемқорлықтың алдын алуға бағытталған тағылымды іс-шаралар өткізілді
«Әділет» партиясы Сайлауалды бағдарламасы мен Құрылтай депутаттығына кандидаттардың партиялық тізімін бекітті
