Кіру«АБАЙ» ҚАРТ КАСПИЙГЕ АТТАНДЫ
Бүгін оралдық «Зенит» зауыты жылжымалы айлақты суға түсірді. Су ығыстырылымы 500 тоннаға жуықтайтын маневрлы орналасу пункті Қазақстандағы ең ірі су көлігі. Оралдан қарт Каспийге аттанатын жылжымалы айлаққа ұлы ойшыл, ағартушы, данышпан ақынымыз Абай Құнанбайұлының аты берілді. Бұл «Зенит» зауыты құрастырған 31-ші су көлігі.
Кеме-катерлерге арналған маневрлік тұрақ бекеті суға түсірілді. Кемежайды «Зенит» зауыты ҚР Шекара қызметіне арнап құрастырған. Маневрлік бекетте бір мезгілде 4 кеме тұрақтай алады. Экипаждың демалуы үшін асхана мен жатын бөлмелер қарастырылған. Әрі әмбебап айлақ теңіз күзетіндегі су көліктерін барлық керек-жарақпен қамтиды. Оның ішінде азық-түлік, жанар-жағармай қоймалары бар. Құрлық мекені маңында орналасатын бекет әскери кемелердің ашық теңізге шығу уақытын үнемдемек. Жүзбелі кеме тұрағы еліміз бойынша алғаш рет Зенит зауытында құрастырылып отыр. Еліміздің теңізбен шектесетін аумағында арнайы су көліктеріне арналған тұрақ болмағандықтан, бұл шекара қызметін жандандыруда таптырмас мүмкіндік. Су көлігі Каспийге жеткенше шамамен 10 күндей жүзетін болады.
Рафхат ХАЛЕЛОВТЫҢ суреті
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу