КіруАқын есімі – білім ұясында!
Бүгін, Оралдағы 47 жалпы орта білім беретін мектепке Қазақстан Республикасының Халық жазушысы, ҚР Мемлекеттік сыйлықтың иегері, белгілі ақын Қадыр Мырза Әлінің есімі берілді. Шараға қала әкімінің орынбасары Мирболат Нұржанов, қалалық білім бөлімінің басшысы Ақжарқын Темірханова, Қазақстан Жазушылар одағының БҚО филиал төрағасы, Қадыр Мырза Әлі атындағы мәдениет және өнер орталығының директоры, ақын Бауыржан Халиолла, Қадыр Мырза Әлі атындағы қордың директоры Донеділ Қажымов, ардагер-ұстаз Үзілдік Елубаева, «Егемен Қазақстан» газетінің БҚО бойынша меншікті тілшісі Қазбек Құттымұратұлы, Зашаған кенті әкімінің орынбасары Нұрболат Мұхитов тб қатысты. Салтанатты жиынның шымылдығын аталмыш мектептің 6 сынып оқушысы Назерке Мақсотова Қадыр ақынның өлеңімен ашты. Содан кейін №47 ЖОББ мектепке Қадыр Мырза Әлі атының берілгендігін растайтын ақын бейнесінің пердесі ашылып, қала әкімінің орынбасары Мирболат Нұржанов сөз сөйледі. – Құрметті қонақтар, ұстаздар! Қадыр ақын тек біздің өңірімізге емес, қазақ еліне белгілі тұлға. Ақынның өлеңдерін жер-жерде жырлайды. Мектеп оқушылары оның нақыл сөздерін оқып, насихаттауда. Білім ұясы ақынның есімін асқақтатады деген сенімдеміз,-деді. Бұдан соң сөз алған Бауыржан Халиолла:
– Бүгін-Қадыр ақынның туған күні. Өзінің көзі тірісінде Сырым ауданының Жымпиты ауылындағы мектепке есімі берілді. Астана қаласында лицейге аты берілді. Өткен жылы біздің орталық Қазақстан Жазушылар одағына осы мектепке ақын есімін беруге арнайы хат жолдады. Іс нәтижелі болып, міне, ақын есімі ұлықталуда. Қадырдың атын еңкейген қариядан, еңбектеген балаға дейін біледі. Өлеңдерін жатқа айтады. Әр аймақта, әр елді мекенде есімі берілуде. Алматы облысының, Қапшағай ауылында есімінің берілуі қуантады. Ол тірі кезінде айтатын: Маған ескерткіш орнатып шығынданбаңдар, өзім шапшаң, ескерткіш секілдімін»-дейтін деп еске алды. Аталмыш мектеп директоры Нұржан Саттықов 2022жылғы 03.11 қаулысына сәйкес ҚР Халық Жазушысы Қадыр ақынның есімін беру туралы шешім шыққанын, мектептің 2015жылы типтік жобада пайдалануға берілгенін, қазір 2400 оқушы, 204 мұғалім бар екенін айтты.
Г. Аязбаева.
Версия для печатиСоңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Пікір үстеу