Кіру135 автоматты жүйе жұмыс істейді
Жол қозғалысының қауіпсіздігі – күнделікті өмірдің ажырамас бөлігі. Көлік саны артқан сайын жолдағы тәртіпке қойылатын талап та күшейе түсті. Бір сәттік асығыстық немесе жол ережесін елемеу адам өміріне орны толмас зардап әкелуі мүмкін. Сондықтан жол-көлік оқиғаларының алдын алу, жаяу жүргіншілердің қауіпсіздігін қамтамасыз ету және жол инфрақұрылымын жақсарту мәселесі үнемі назарда болуы тиіс.
Бұл мәселелер Қазақстан Республикасы Премьер-министрі Олжас Бектеновтің төрағалығымен өткен Үкімет отырысында кеңінен қаралды. Жиынға Батыс Қазақстан облысының әкімі Нариман Төреғалиев селекторлық режимде қатысты.
Өңірдегі жол қауіпсіздігіне қатысты көрсеткіштерде оң динамика байқалады. Атап айтқанда, биылғы сегіз айда облыста тіркелген жол-көлік оқиғаларының саны өткен жылдың сәйкес кезеңімен салыстырғанда 14 пайызға төмендеген. Сонымен қатар жол апаттарынан қаза тапқандар саны 15 пайызға, зардап шеккендер саны 14 пайызға азайған.
Бұл көрсеткіштер жол қауіпсіздігі бағытында атқарылып жатқан жұмыстардың нәтижесін көрсеткенімен, мәселенің маңыздылығын төмендетпейді. Себебі әрбір жол-көлік оқиғасының артында адам тағдыры тұр. Әсіресе жаяу жүргіншілердің жолдағы қауіпсіздігі ерекше назар аударуды қажет етеді.
Есепті кезеңде облыста жаяу жүргіншілерді қағып кетуге байланысты 212 жол-көлік оқиғасы тіркелген. Оның 187-сі жүргізушілердің, 25-і жаяу жүргіншілердің кінәсінен болған. Бұл деректер жол қозғалысына қатысушылардың барлығына бірдей жауапкершілік жүктелетінін көрсетеді. Жүргізуші жылдамдықты сақтап, жаяу жүргіншіге жол беруге міндетті болса, жаяу жүргінші де белгіленбеген жерден жолды кесіп өтпеуі, бағдаршам талаптарын сақтауы тиіс.
Осы бағытта облыста кешенді жұмыстар атқарылып келеді. Биыл өңірде 292,9 шақырымнан астам автомобиль жолын жөндеуге 48,6 млрд теңге бағытталған. Қаражат есебінен жол құрылысы және жөндеу жұмыстары жүргізіліп, жолдардың техникалық жағдайын жақсартуға басымдық берілуде.
Жолдағы тәртіпті қамтамасыз етуде цифрлық технологиялардың да үлесі артып келеді. Қазір облыс аумағында көлік қозғалысының жылдамдығын бақылайтын 135 автоматты жүйе жұмыс істейді.
«Жайық үні»
(Мақаланың толық нұсқасын осы бейсенбідегі нөмерден оқуға болады.)
Соңғы жаңалықтар
БҚО тәртіп сақшылары мен жастар заңсыз граффитиге қарсы бірікті
«Қауіпсіздік коды: 102-111-150»: тұрмыстық зорлық-зомбылыққа жол жоқ!!!
Президенттің Жарлығы жарияланды – Қазақстан Халық Кеңесіне еліміздің 126 азаматы кірді
Елге қызмет еткен тұлғаға құрмет: Мұстақым Ықсановтың 100 жылдығы аталып өтті
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
