КіруӨңір экономикасындағы өсім мен өзекті мәселелер қаралды
Батыс Қазақстан облысы әкімінің орынбасары Тілепберген Каюповтың төрағалығымен өткен жұмыс кеңесінде өңірдің биылғы қаңтар–маусым айларындағы әлеуметтік-экономикалық дамуы мен инвестиция тарту бағытындағы жұмыстардың нәтижелері талқыланды. Сондай-ақ негізгі көрсеткіштердің орындалуы бағаланып, жауапты мекемелерге алдағы кезеңге арналған міндеттер жүктелді.
Жиында атап өтілгендей, есепті кезеңде облыстың негізгі жеті әлеуметтік-экономикалық көрсеткішінің бесеуі бойынша өсім қалыптасты. Ауыл шаруашылығы жалпы өнімінің нақты көлем индексі 104,2 пайызды құрап, өндірілген өнім көлемі 118,5 млрд теңгеге жетті. Негізгі капиталға салынған инвестициялар көлемі 331,8 млрд теңгені құрап, өсім 123 пайыз болды.
Құрылыс саласында да оң нәтиже байқалды. Алты ай ішінде орындалған құрылыс жұмыстарының көлемі 143,6 млрд теңгені құрап, нақты көлем индексі 117,1 пайызға жетті. Осы кезеңде 223 мың шаршы метр тұрғын үй пайдалануға беріліп, өткен жылдың сәйкес мерзімімен салыстырғанда 3,6 пайызға артты. Ішкі сауда көлемі 602,4 млрд теңгені құрап, нақты көлем индексі 100,5 пайыз болды.
Сонымен қатар кеңесте бірқатар бағыттардағы көрсеткіштерге де тоқталды. Өнеркәсіп өндірісінің көлемі 2 018,3 млрд теңгені немесе 90,4 пайызды құрады. Өңдеу өнеркәсібіндегі төмендеу бірқатар ірі және орта кәсіпорындардың өндірістік тапсырыстарының жеткіліксіздігімен байланысты екені айтылды. Ал көлік қызметтері көлемі 98,4 пайызды құрады.
Күн тәртібінде инвестициялық жобалардың іске асырылу барысына да ерекше назар аударылды. Жоспарланған көрсеткіштерге қол жеткізе алмаған аудан әкімдерінің есептері тыңдалып, қалыптасқан мәселелердің себептері талқыланды.
Кеңес соңында облыс әкімінің орынбасары Тілепберген Каюпов өңірдегі инвестициялық жобалардың іске асырылу қарқынын бәсеңдетпеуді, экономикалық өсімге ықпал ететін жұмыстарды күшейтуді тапсырды. Сонымен қатар көрсеткіштері төмен бағыттар бойынша нақты іс-қимыл жоспарын әзірлеп, оның орындалуын тұрақты бақылауда ұстау қажеттігін айтты.
Соңғы жаңалықтар
Президенттің Жарлығы жарияланды – Қазақстан Халық Кеңесіне еліміздің 126 азаматы кірді
Елге қызмет еткен тұлғаға құрмет: Мұстақым Ықсановтың 100 жылдығы аталып өтті
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
