КіруЖаңақала ауданында «Заң мен тәртіп – әділетті қоғам кепілі» форумы өтті
Заң үстемдігін нығайту, сыбайлас жемқорлықтың алдын алу және қоғамда парасаттылық қағидаттарын орнықтыру бағытындағы жұмыстар аясында Жаңақала ауданында «Заң мен тәртіп – әділетті қоғам кепілі» тақырыбында форум ұйымдастырылды.
Іс-шара мемлекеттік әлеуметтік тапсырыс аясында өткізіліп, мемлекеттік қызметшілердің құқықтық мәдениетін арттыруға, сыбайлас жемқорлыққа қарсы мәдениетті қалыптастыруға, қоғамда заңға құрмет пен адалдық құндылықтарын насихаттауға бағытталды.
Форумға Қазақстан Республикасы Мемлекеттік қызмет істері агенттігінің Батыс Қазақстан облысы бойынша департаментінің басшысы М.Байсалов, Жаңақала ауданының прокуроры Қ.Төремұратов, Қазақстан Республикасы Президентінің жанындағы Мемлекеттік басқару академиясының Батыс Қазақстан облысы бойынша филиалының директоры С.Түменбаев, Жаңақала ауданы әкімінің орынбасары Р.Гумар, мемлекеттік қызметшілер, аудандық мекемелердің өкілдері және қоғам белсенділері қатысты.
Форум барысында сыбайлас жемқорлықтың алдын алу, мемлекеттік органдар қызметінің ашықтығы мен есептілігін қамтамасыз ету, құқықтық мәдениетті дамыту, азаматтардың мемлекеттік институттарға деген сенімін арттыру және қоғамда заң талаптарын сақтау мәселелері кеңінен талқыланды.
Қатысушылар мемлекеттік қызметтегі сыбайлас жемқорлық тәуекелдерінің алдын алу, қызметтік әдеп нормаларын сақтау, мүдделер қақтығысын болдырмау, шешім қабылдау кезінде ашықтық пен объективтілікті қамтамасыз ету бағытында пікір алмасты.
Қазақстан Республикасы Мемлекеттік қызмет істері агенттігінің Батыс Қазақстан облысы бойынша департаментінің басшысы М.Байсалов заң талаптарын сақтау, мемлекеттік қызметшілердің жоғары жауапкершілігі мен әдеп стандарттарын ұстануы халықтың мемлекеттік органдарға деген сенімін нығайтудың және тиімді мемлекеттік аппарат қалыптастырудың негізгі шарттарының бірі екенін атап өтті.
«Сыбайлас жемқорлықтың алдын алу тек құқықтық тетіктермен ғана шектелмейді. Бұл ең алдымен қоғамда адалдық, әділдік және жауапкершілік құндылықтарын қалыптастырумен тығыз байланысты. Сондықтан әрбір мемлекеттік қызметші заң талаптарын бұлжытпай сақтап, кәсіби әдеп қағидаттарын басшылыққа алуы тиіс», – деді М.Байсалов.
Жаңақала ауданының прокуроры Қ.Төремұратов өз сөзінде заң үстемдігін қамтамасыз ету, құқықтық сауаттылықты арттыру және сыбайлас жемқорлық құқық бұзушылықтарының алдын алу бағытындағы жұмыстарды жүйелі түрде жалғастырудың маңыздылығына тоқталды. Сондай-ақ ол заң талаптарын сақтау әр азаматтың ортақ міндеті екенін атап өтті.
Қазақстан Республикасы Президентінің жанындағы Мемлекеттік басқару академиясының Батыс Қазақстан облысы бойынша филиалының директоры С.Түменбаев мемлекеттік қызметшілердің кәсіби мәдениетін дамыту, парасаттылық қағидаттарын нығайту және басқару шешімдерін қабылдауда жауапкершілікті арттыру мәселелеріне тоқталды.
Форум барысында «Заң мен тәртіп» және «Адал азамат» қағидаттарын ілгерілету, қоғамда сыбайлас жемқорлыққа төзбеушілік мәдениетін қалыптастыру және жастар арасында адалдық құндылықтарын дәріптеу бағытындағы бастамалар талқыланды.
Іс-шара соңында қатысушылар құқықтық мәдениетті нығайту, сыбайлас жемқорлықтың алдын алу және қоғамда адалдық қағидаттарын орнықтыру бағытындағы жұмысты одан әрі жалғастырудың маңыздылығын атап өтті.
Соңғы жаңалықтар
ОТАНДЫҚ ӨНДІРІСТІ ДАМЫТУ – ЭКОНОМИКАЛЫҚ ӨСІМНІҢ МАҢЫЗДЫ КЕПІЛІ
ТАСҚАЛА АУДАНЫНДА «ӘДІЛЕТ» ПАРТИЯСЫНЫҢ ӨКІЛДЕРІ ТҰРҒЫНДАРМЕН КЕЗДЕСТІ
ӨНДІРІСТЕН РУХАНИЯТҚА ДЕЙІН: ӘДІЛЕТ ПАРТИЯСЫ ӨКІЛДЕРІ ЖАҢАҚАЛАЛЫҚТАРМЕН ЖҮЗДЕСТІ
«ӘДІЛЕТ» ПАРТИЯСЫНЫҢ САЙЛАУАЛДЫ БАҒДАРЛАМАСЫ КАЗТАЛОВ ЖҰРТШЫЛЫҒЫМЕН ТАЛҚЫЛАНДЫ
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
