КіруОблыста 452 мыңнан астам сайлаушы тіркелген
БҚО аумақтық сайлау комиссиясының төрағасы Әділ Жоламановтың айтуынша, сайлау науқанының күнтізбелік жоспарына сәйкес, өңірдегі дайындық жұмыстары бірнеше бағыт бойынша кезең-кезеңімен жүзеге асырылуда.
Алғашқы маңызды қадамдардың бірі – сайлау комиссияларының құрамын, орналасқан жері мен жұмыс уақытын жариялау болды. 2026 жылғы 7 шілдеде облыстық, сондай-ақ аудандық және қалалық аумақтық сайлау комиссияларының құрамы бұқаралық ақпарат құралдарында жарияланды.
Сайлау учаскелерінің жұмысына қатысты ақпарат та қолжетімді. 16 шілдеге дейін учаскелік сайлау комиссияларының құрамы мен сайлау учаскелерінің шекаралары жарияланды. Бұл – азаматтардың өз сайлау учаскесін алдын ала анықтап, дауыс беруге дайындалуы үшін қажет.
Сайлаушылар тізімдерін нақтылау жұмыстары да назардан тыс қалған жоқ. 2026 жылғы 1 шілдедегі жағдай бойынша облыста 452 мыңнан астам сайлаушы тіркелген. Сайлаушылар тізімдері тамыздың 2-сінде тиісті акт бойынша учаскелік сайлау комиссияларына нақтыланып ұсынылады.
Өз деректерін тексере алады
Қазіргі уақытта жергілікті атқарушы органдар сайлаушылардың жекелеген санаттары бойынша мәліметтерді нақтылап жатыр. Атап айтқанда, вахталық әдіспен жұмыс істейтін азаматтар, студенттер, әскери қызметшілер және басқа да сайлаушылардың тізімдегі деректері тексерілуде. Сонымен қатар 23 тамызға дейін 18 жасқа толатын 1934 жас азаматтың сайлаушылар тізіміне енгізілуі қамтамасыз етіледі. Бұл бағыттағы жұмыстар 30 шілдеге дейін жалғасады.
Сайлаушының өз деректерін алдын ала тексеруі де маңызды. Осы мақсатта 7 тамыздан бастап учаскелік сайлау комиссиялары сайлаушылар тізімдерін азаматтардың танысуына ұсынады. Яғни, тұрғындар өз учаскесіне барып, тізімнен аты-жөнін және өзге де деректерін тексере алады. Егер қандай да бір сәйкессіздік анықталса, оны белгіленген тәртіппен түзетуге мүмкіндік беріледі.
Сайлау күні мен дауыс беру тәртібі туралы ақпараттандыру жұмыстары да алдын ала жүргізіледі. 12 тамызға дейін азаматтарға дауыс берудің уақыты мен орны туралы хабарланады. Бұл үшін шақыру қағаздары таратылып, тұрғындар сайлауға қатысуға шақырылады.
Сайлауға қажетті негізгі құжаттардың бірі – дауыс беру бюллетеньдері. Учаскелік сайлау комиссияларын бюллетеньдермен қамтамасыз ету 20-22 тамыз аралығында, яғни дауыс беру күніне кемінде бір күн және үш күннен ерте емес мерзімде жүзеге асырылады.
Ал 23 тамызда ел азаматтары өз таңдауын жасайды. Дауыс беру жергілікті уақыт бойынша сағат 07:00-ден 20:00-ге дейін өтеді. Осылайша, сайлау науқанының әр кезеңі нақты мерзімдермен белгіленіп, тиісті ұйымдастыру шаралары рет-ретімен жүзеге асырылуда. – Қазір басты міндет – сайлаушыларды ақпараттандыру, тізімдердің дұрыстығын қамтамасыз ету және дауыс беру күнін ұйымдасқан түрде өткізу, – дейді Әділ Жоламанов.
Дәметкен САҒЫНБАЕВА
Толығырақ “Жайық үні” газетінен оқи аласыздар
Версия для печатиСоңғы жаңалықтар
ОТАНДЫҚ ӨНДІРІСТІ ДАМЫТУ – ЭКОНОМИКАЛЫҚ ӨСІМНІҢ МАҢЫЗДЫ КЕПІЛІ
ТАСҚАЛА АУДАНЫНДА «ӘДІЛЕТ» ПАРТИЯСЫНЫҢ ӨКІЛДЕРІ ТҰРҒЫНДАРМЕН КЕЗДЕСТІ
ӨНДІРІСТЕН РУХАНИЯТҚА ДЕЙІН: ӘДІЛЕТ ПАРТИЯСЫ ӨКІЛДЕРІ ЖАҢАҚАЛАЛЫҚТАРМЕН ЖҮЗДЕСТІ
«ӘДІЛЕТ» ПАРТИЯСЫНЫҢ САЙЛАУАЛДЫ БАҒДАРЛАМАСЫ КАЗТАЛОВ ЖҰРТШЫЛЫҒЫМЕН ТАЛҚЫЛАНДЫ
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
