КіруӘке – отбасының тірегі: Оралда облыстық форум өтті
Бүкіл ел бойынша Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен Әкелер күніне арналған іс-шаралар өтіп жатыр. Соның бірі – 18 маусымда Орал қаласындағы Достық үйінде өткен «Жауапты әке – мықты отбасы» атты облыстық форум.
Форумға Әкелер Одағы, Әкелер комитеті, Әкелер кеңесінің белсенді мүшелері, үлгілі әкелер, әскери бөлім қызметкерлері, спортшылар, жастар мен БАҚ өкілдері жиналды.
БҚО қоғамдық даму басқармасы басшысының орынбасары Гүлжанар Шукеева құттықтау сөз сөйлеп, қатысушыларды форумның ашылуымен құттықтады.
«Отан отбасынан басталады. Мемлекет басшысы Отбасы күніне орай “Әрбір адам үшін ұшқан ұясының орны бөлек. Өскелең ұрпақтың отбасында тәлім-тәрбие алып, ұлттық құндылықтарды бойына сіңіруі өте маңызды. Салт-дәстүрге құрмет те, туған елге сүйіспеншілік те қасиетті қара шаңырақтан бастау алады” деп отбасының рөлін атап өтті. Отбасы – қоғамның алтын діңгегі, әке – сол шаңырақтың тірегі, жауапкершілік пен тәрбие мектебінің негізгі тұлғасы. Бүгінгі форумның мақсаты да – отбасындағы әке рөлін күшейту, жауапты әкелік мәдениетті қалыптастыру және ұлттық құндылықтарды дәріптеу» – деп Гүлжанар Шукеева атап өтті.
Спикерлер қатарында «Қазақстанның әкелері» РҚБ құрылтайшысы Серік Ихсанов, жеке сот орындаушылары палатасының басшысы Мереке Закиров, майор Айғали Аманжолов баяндама жасады.
Форум аясында Ақжайық, Бәйтерек, Бөрлі, Жаңақала, Тасқала және басқа аудандардан келген белсенді әкелер Алғыс хаттармен марапатталды. Олардың арасында дәрігерлер, ұстаздар, мәдениет қызметкерлері мен жеке кәсіпкерлер бар.
Қазақстанда Әкелер күні 2023 жылдан бастап маусымның үшінші жексенбісінде аталып келеді. Мереке әкенің қоғамдағы рөлін арттырып, ұрпақ тәрбиесіндегі беделін көтеруге бағытталған.
Соңғы жаңалықтар
Свыше 1900 ИИ-фильмов из более чем 90 стран поступило на Astana AI Film Festival
ӨЗ САЙЛАУ УЧАСКЕҢІЗДІ ҚАЛАЙ ОҢАЙ ТАБУҒА БОЛАДЫ? ОНЛАЙН-СЕРВИС ІСКЕ ҚОСЫЛДЫ
БҚО-да жол қозғалысы ережесін сақтамаған жүргізуші жауапқа тартылды
160 мың мұғалімге ChatGPT Edu: теледебаттың басты тақырыбы – білім мен жасанды интеллект
Әдеп жөніндегі кеңесте білім беру саласындағы сыбайлас жемқорлық тәуекелдері қаралды
Экология, өндіріс және медицина: партиялардың сайлау науқанында көтерген басты тақырыбы қандай?
Теректі ауданында «Адал еңбек – адал табыс» атты экологиялық акция өтті
Шыңғырлау ауданында мемлекеттік қызметшілер арасында тимбилдинг іс-шарасы өтті
Шағырлой ауылында «Әділдік пен адалдық – өмірлік ұстаным» атты таным сағаты өтті
«Сайлау-2026: жаңа саяси конфигурациядағы өңірлер» тақырыбында «КИСИ GPS: Gylym. Pikir. Sayasat» ұлттық сарапшылық алаңының отырысы өтті
Ең төменгі жалақы, алимент, экология: жеті партия сайлаушылармен нені талқылап жатыр?
Елімізде жаз басталғалы бері қайта жаңғыртудан өткен 70 теміржол вокзалы ашылды
