КіруБҚО-да сұйытылған мұнай газымен қамту мәселесі тұрақты бақылауда
Сұйытылған мұнай газы – халық үшін негізгі әрі қолжетімді мотор отыны түрлерінің бірі. Батыс Қазақстан облысында бұл ресурсқа деген сұраныс жыл сайын артып келеді. Осыған байланысты өңірде автогаз құю инфрақұрылымын дамыту және жеткізілім көлемін тұрақтандыру бағытында жүйелі жұмыстар жүргізілуде.
Бұл туралы БҚО энергетика және тұрғын үй-коммуналдық шаруашылық басқармасы басшысының орынбасары Мұрат Қонысбаев мәлімдеді.
Қазіргі уақытта облыс аумағында 111 автогаз құю бекеті қызмет көрсетуде. Оның ішінде 52-сі Орал қаласында орналасса, қалған 59-ы аудандық жерлерде жұмыс істейді. Соңғы жылдары бұл инфрақұрылым кезең-кезеңімен дамып, кеңейіп келеді. Мысалы, 2023 жылы өңірде 99 автогаз құю станциясы болған болса, 2024 жылы олардың саны 109-ға дейін артқан.
Сонымен қатар тұтыну көлемі де айтарлықтай ұлғайып отыр. Мәселен, 2023 жылы облыста сұйытылған мұнай газының тұтынылуы 55 мың тоннаны құраса, 2025 жылы бұл көрсеткіш 66 мың тоннаға жетіп, 20 пайызға өскен. Бұдан бөлек, газбен жүретін автокөліктер саны да 31,8 пайызға артып, 28 мыңнан астам бірлікке жеткен.
Мұрат Қонысбаевтың айтуынша, өңірде сұйытылған мұнай газының жүйелі тапшылығы күтілмейді. Жағдай тұрақты бақылауда. Қамтамасыз етуді тұрақтандыру мақсатында бірқатар шаралар қабылданған. Атап айтқанда, 2026 жылдың ІІ тоқсанына жеткізу көлемі 13 204 тоннаға дейін ұлғайтылды. Орташа айлық лимит 3 500 тоннадан 4 600 тоннаға дейін көтерілді. Сондай-ақ жеткізушілермен және қайта өңдеу кәсіпорындарымен өзара іс-қимыл күшейтілді.
Жеткізілім көлемін ұлғайтуға көшу ағымдағы жылдың мамыр айынан басталады.
Баға белгілеу бөлігінде мемлекеттік реттеу қолданылады. Қазіргі таңда сұйытылған мұнай газының шекті бөлшек сауда бағасы литріне 85 теңгені, ал шалғай аудандар үшін 90 теңгені құрайды.
Жалпы облысымызда сұйытылған мұнай газымен қамту мәселесі ерекше назарда. Сұраныстың артуына байланысты инфрақұрылымды дамыту, жеткізілім көлемін көбейту және бағаның негізсіз өсуіне жол бермеу бағытындағы жұмыстар алдағы уақытта да жалғасады.
Ә.Бақытжанқызы
Версия для печатиСоңғы жаңалықтар
ОТАНДЫҚ ӨНДІРІСТІ ДАМЫТУ – ЭКОНОМИКАЛЫҚ ӨСІМНІҢ МАҢЫЗДЫ КЕПІЛІ
ТАСҚАЛА АУДАНЫНДА «ӘДІЛЕТ» ПАРТИЯСЫНЫҢ ӨКІЛДЕРІ ТҰРҒЫНДАРМЕН КЕЗДЕСТІ
ӨНДІРІСТЕН РУХАНИЯТҚА ДЕЙІН: ӘДІЛЕТ ПАРТИЯСЫ ӨКІЛДЕРІ ЖАҢАҚАЛАЛЫҚТАРМЕН ЖҮЗДЕСТІ
«ӘДІЛЕТ» ПАРТИЯСЫНЫҢ САЙЛАУАЛДЫ БАҒДАРЛАМАСЫ КАЗТАЛОВ ЖҰРТШЫЛЫҒЫМЕН ТАЛҚЫЛАНДЫ
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
