КіруБҚО-да «Tomorrow School» жобасының өңірлік кампусы ашылды
Батыс Қазақстан облысында жасанды интеллект және ІТ саласындағы жаңа білім беру мүмкіндігін ұсынатын «Tomorrow School» жобасының өңірлік кампусы ашылды.
Жаңа кампустың ашылу таныстырылымына Мемлекет басшысы Қасым-Жомарт Тоқаев онлайн форматта қатысты. Аталған жоба өңір жастарына заманауи цифрлық дағдыларды меңгеріп, халықаралық деңгейдегі білім беру моделіне қол жеткізуге мүмкіндік береді.
Tomorrow School – Қазақстандағы алғашқы peer-to-peer форматындағы жасанды интеллект мектебі. Оқу бағдарламасы жобалық жұмысқа, өзара тәжірибе алмасуға және практикалық тапсырмалар арқылы білім алуға негізделген. Мұнда қатысушылар бағдарламалау негіздерінен бастап, жасанды интеллект және заманауи ІТ бағыттары бойынша қолданбалы дағдыларды меңгереді.
Жобаның басты ерекшелігі – оқу толықтай тегін және Қазақстан азаматтары үшін қолжетімді. Сонымен қатар бағдарламаға қатысу үшін ІТ саласында алдын ала тәжірибенің болуы міндетті емес.
Кампус тәулік бойы, демалыссыз жұмыс істейді. Бұл білім алушыларға оқу кестесін өздері жоспарлап, білім алуды жұмыс немесе басқа оқу түрімен қатар алып жүруге мүмкіндік береді.
Жобаның технологиялық негізі – толық циклді арнайы цифрлық білім беру платформасы. Платформа оқуды басқару жүйесін, жобалық трекинг құралдарын, геймификация механикасын және жобаларды тексеруге бөлудің автоматтандырылған жүйесін қамтиды. GitLab-пен үндестірілген жүйе қатысушыларға кәсіби әзірлеу ортасында жұмыс істеуге, кодпен командалық жұмыс жүргізудің заманауи тәжірибелерін меңгеруге жағдай жасайды.
БҚО-да «Tomorrow School» өңірлік кампусының ашылуы жергілікті ІТ-экожүйені дамытуға, цифрлық экономикаға қажетті білікті мамандар даярлауға және өңірдегі талантты жастардың әлеуетін арттыруға бағытталған маңызды қадам болмақ.
Әдемі БАҚЫТЖАНҚЫЗЫ
Соңғы жаңалықтар
БҚО-да жол қозғалысы ережесін сақтамаған жүргізуші жауапқа тартылды
160 мың мұғалімге ChatGPT Edu: теледебаттың басты тақырыбы – білім мен жасанды интеллект
Әдеп жөніндегі кеңесте білім беру саласындағы сыбайлас жемқорлық тәуекелдері қаралды
Экология, өндіріс және медицина: партиялардың сайлау науқанында көтерген басты тақырыбы қандай?
Теректі ауданында «Адал еңбек – адал табыс» атты экологиялық акция өтті
Шыңғырлау ауданында мемлекеттік қызметшілер арасында тимбилдинг іс-шарасы өтті
Шағырлой ауылында «Әділдік пен адалдық – өмірлік ұстаным» атты таным сағаты өтті
«Сайлау-2026: жаңа саяси конфигурациядағы өңірлер» тақырыбында «КИСИ GPS: Gylym. Pikir. Sayasat» ұлттық сарапшылық алаңының отырысы өтті
Ең төменгі жалақы, алимент, экология: жеті партия сайлаушылармен нені талқылап жатыр?
Елімізде жаз басталғалы бері қайта жаңғыртудан өткен 70 теміржол вокзалы ашылды
Оралда азық-түлік дүкеніне қарақшылық шабуыл жасаған күдікті ұсталды
Жүгіру, пікірталас және еркін форматтағы әңгіме: Қазақстандағы сайлауалды дода қалай өтіп жатыр?
