Оралдағы Жастар мәдениет сарайында Көрісу күні кең көлемде аталып өтті
14 наурыз – Көрісу күніне орай Орал қаласындағы Жастар мәдениет сарайында мерекелік іс-шара ұйымдастырылды.
Ұлттық құндылықтарды дәріптеуге бағытталған шара қала тұрғындарын бір ортаға жинап, ерекше мерекелік көңіл күй сыйлады.
Іс-шараның басты мақсаты – қазақ халқының бай салт-дәстүрлерін насихаттау, Көрісу күнінің маңызын жас ұрпаққа түсіндіру және тұрғындар арасында татулық пен сыйластықты нығайту. Бұл күн – адамдардың бір-бірімен қауышып, амандық-саулық сұрасатын, үлкендерге құрмет көрсетіп, ізгі тілектер айтатын ерекше дәстүрлі мерекелердің бірі.
Мерекелік бағдарлама барысында Жастар мәдениет сарайының өнерпаздары концерттік қойылым ұсынып, көрермендерге көтеріңкі көңіл күй сыйлады. Әсем әндер шырқалып, ұлттық нақыштағы өнер көрсетіліп, қазақ мәдениетінің көркемдігі мен байлығы паш етілді.
Сонымен қатар шара аясында қазақтың ұлттық ойындары да назардан тыс қалмады. Атап айтқанда, асық ату және гір көтеру бойынша жарыстар ұйымдастырылды. Бұл сайыстарға мектеп оқушылары белсенді қатысып, өзара бақ сынасты. Жарыс тартысты өтіп, көрермендерге ерекше әсер сыйлады.
Мереке барысында қала тұрғындарына арналып ақ дастархан жайылды. Қонақтарға бауырсақ, шай және ұлттық тағамдар ұсынылып, тұрғындар бір-бірімен көрісіп, амандық сұрасып, жылы тілектерін білдірді. Мұндай игі шаралар ұлттық дәстүрлердің сабақтастығын сақтауға және қоғамдағы бірлікті нығайтуға өз үлесін қосады.
Көрісу күні – адамдарды жақындастырып, мейірім мен сыйластықты арттыратын ерекше мереке. Орал қаласында өткен бұл шара да көпшілікке көтеріңкі көңіл күй сыйлап, ұлттық дәстүрдің маңызын тағы бір мәрте айқындады.
Версия для печатиСоңғы жаңалықтар
Қаратөбе ауданындағы референдум учаскелерінде дауыс берушілер арасында садақ атудан сайыс өткізілді
Батыс Қазақстан облысында республикалық референдум күні сайлау учаскелерінде мерекелік көңіл-күй қалыптасуда.
БҚО әкімі Нариман Төреғалиев ҚР Жаңа Конституциясын қабылдау жөніндегі республикалық референдумда дауыс берді
Представители этнокультурных объединений Западно-Казахстанской области призвали голосовать на референдуме
Оралдағы №230 референдум учаскесінде балаларға арналған аквагрим ұйымдастырылды
Отандық фармацевтикалық өндіріс өз позициясын нығайтуда: Қазақстандық дәрі-дәрмектердің үлесі 40%-ға жетті
68% иностранных инвестиций Центральной Азии сосредоточены в Казахстане
Батыс Қазақстан облысының әкімі Нариман Төреғалиев берекелі әулетке көрісе барды
Digital Nauryz: БҚО-да Амал мерекесіне орай цифрлық құттықтау ұйымдастырылды
Ата заң жобасы – азаматтармен адами қарым-қатынас түзудің жарқын көрінісі
Қонаевтағы дрон-шоу: Қазақстан картасы, референдумға шақыру және Наурыз мерекесімен құттықтау
Бүгін үгіт аяқталады: ОРК референдум алдындағы заң талаптарын еске салды
Орталық референдум комиссиясы комиссиялардың референдумға толық дайын екенін мәлімдеді
Жаңа Конституция жобасы – адам құқығы мен бостандығының кепілдігін күшейтуге бағытталған
Мемлекет басшысы Қасым-Жомарт Тоқаев барлық деңгейдегі мәслихат депутаттарының ІІІ республикалық форумында сөз сөйледі

Кіру

