КіруДОМБЫРАНЫ ҮЙРЕТУ ҮШІН АМЕРИКАҒА АТТАНДЫ
Оралдық домбырашы Асқар Кенжеғалиев Америкада қазақ балаларына ұлттық аспабымыз домбырадан сабақ бермек. Бұл туралы өнер иесі қызмет ететін Ғ.Құрманғалиев атындағы облыстық филармонияның баспасөз қызметі хабарлады.
Күйші-домбырашы Асқар Кенжеғалиев АҚШ-тың Техас штатындағы Хьюстон қаласындағы қандастарға сабақ жүргізеді. Бұл Асқар Мұхамбетқалиұлының бұған дейін онлайн өткізген сабақтарының жалғасы болмақ. Келісімшартқа сәйкес, оқу бағдарламасы алты айға жалғасатын болады.
Айта кетсек, Асқар Кенжеғалиев 2020 жылдың басынан Америкадағы қазақ балаларына онлайн түрде домбыра үйретуді бастады. Осыдан 1,5 жыл бұрын бізге берген сұхбатында ол жақтағы балалардың домбыра үйренуге ниеттері жоғары екенін және ата-аналарының да балаларының ұлттық аспапта ойнауды меңгерулеріне қолдау көрсетіп, өздері бірге қадағалап отыратын айтқан болатын. Сонымен қатар «Пандемия аяқталып, жақсы күндеріміз қайтып келсе, АҚШ-қа барып, қолдарына қазақтың сазсырнай, сылдырмақ, шаңқобыз сынды аспаптарын ұстатып, ансамбль ұйымдастырсам…» деген арманымен де бөліскен еді.
Ұлттық өнерді ұлықтап жүрген Асқар Мұхамбетқалиұлының алыстағы қандастарға домбыра үйрету мақсаты іс жүзінде жүзеге асуда.
zhaikuni.kz
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу