КіруБАҚҰЛ БОЛЫҢЫЗ, АҒА!
Жайық жұрты қабырғалы қаламгерінен айырылып қалды. Бұл бізге өте ауыр соққы болды. Өйткені Темір Құсайын ағамыз қашан да аңқылдап, жарқылдап, кез келген ортаға жақсы көңіл күй сыйлап жүретін талантты журналист еді. Адамгершілігі бір төбе болатын. Біздің шағын «Жайық үні-Жизнь города» ұжымына да үнемі келіп, ағалық ақыл-кеңесін айтып тұрушы еді.
Темір Нағымұлы 1957 жылдың 19 маусымында Қазталов ауданы, Қараоба ауылында дүниеге келді. 1970 жылдардың басында мектеп бітірді. Арнайы білімі болмағанымен, аудандық газетке әдеби қызметкер болып жұмысқа орналасуы журналистика факультетіне баруына жол ашты. Сөйтіп, 1978 жылы журфактың студенті атанды.
1983 жылы ҚазМУ-дің журналистика факультетін бітірген соң облыстық телерадио хабарлар тарату комитетінде, облыстық «Орал өңірі» газетінде жұмыс істеді. 1992 жылы «Егемен Қазақстан» газетінің Батыс Қазақстан облысы бойынша меншікті тілшісі болып тағайындалып, ұзақ жылдар бойы өңірдің басты жаңалықтарын, әлеуметтік-экономикалық дамуы мен жерлестеріміз туралы мақалалар жазып, еліміздің басты үнпарағында жариялануына үлес қосты. Ал 2017 жылы басылымның Ақтөбе облысы бойынша меншікті тілшісі қызметіне ротациялық тәсілмен ауыстырылды.
Темір Құсайын 1995 жылы Қазақстан журналистер одағы сыйлығының лауреаты атанса, 1996 жылы республикалық «Жыл журналисі» атағын иеленді. 2020 жылы ҚР Парламенті Мәжілісі белгілеген «Парламент сөзі» арнайы сыйлығының жеңімпазы атанды.
Өткен жылы ғана зейнеттік жасқа шыққан Темір ағамыздың әріптестері үшін орны ерекше еді.
Жаны жайсаң, болмысы бөлек, парасатты, сабырлы, салиқалы, қашан да жастарға қамқор болып жүретін ақжүрек ағамыздың иманы жолдас болып, жаны жәннаттың төрінде шалқысын.
Бақұл болыңыз, аға!
Ұлы Қуаныш Темірұлына, туған-туыстары мен шәкірттеріне қайғырып көңіл айтамыз
«Жайық үні» ЖШС газеті редакциясы
Версия для печатиСоңғы жаңалықтар
ОТАНДЫҚ ӨНДІРІСТІ ДАМЫТУ – ЭКОНОМИКАЛЫҚ ӨСІМНІҢ МАҢЫЗДЫ КЕПІЛІ
ТАСҚАЛА АУДАНЫНДА «ӘДІЛЕТ» ПАРТИЯСЫНЫҢ ӨКІЛДЕРІ ТҰРҒЫНДАРМЕН КЕЗДЕСТІ
ӨНДІРІСТЕН РУХАНИЯТҚА ДЕЙІН: ӘДІЛЕТ ПАРТИЯСЫ ӨКІЛДЕРІ ЖАҢАҚАЛАЛЫҚТАРМЕН ЖҮЗДЕСТІ
«ӘДІЛЕТ» ПАРТИЯСЫНЫҢ САЙЛАУАЛДЫ БАҒДАРЛАМАСЫ КАЗТАЛОВ ЖҰРТШЫЛЫҒЫМЕН ТАЛҚЫЛАНДЫ
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Пікір үстеу