Кіру140 БАЛДЫҚ СЕРТИФИКАТҚА ИЕ БОЛҒАН БАТЫСҚАЗАҚСТАНДЫҚ ЕКІ ТҮЛЕК ҚАЗАҚСТАНДЫҚ ЖОО-НЫ ТАҢДАДЫ
Орал қаласындағы Дарынды балаларға арналған Сәкен Сейфуллин атындағы №11 облыстық мектеп интернатының екі түлегі ҚР Білім және ғылым министрлігінің шешімімен 140 балдық көрсеткішпен сертификат иеленбек. Бұл туралы БҚО білім басқармасы баспасөз қызметі мәлім етті.
Былтырғы ҰБТ тапсырудағы басты жаңалық – SAT, ACT, IB халықаралық стандартталған тесттерінің балын Ұлттық бірыңғай тестілеу балына ауыстыру шкаласы енгізілген болатын. Егер түлек SAT reasoning және SAT subject сертификаттарын ҰБТ тапсыру пунктінде тапсырған болса, сол сертификаттары ҰБТ балы ретінде көрсетіледі. Түлектер ҰБТ-дан босатылып, грант беру конкурсына қатыса алады.
№11 мектептің түлектері Гүлшат Бекқалиева мен Әйгерім Қонар халықаралық стандартталған тест тапсырып, ең жоғары ұпай жинаған. 650 балдан жоғары жинаған түлектерге ҰБТ-ның ең жоғары 140 балы берілді. Енді олар осы сертификатпен грант беру конкурсына қатысу мүмкіндігіне ие болып отыр.
Мектеп бітіруші екі түлек те Назарбаев университетінің «FOUNDATION» бағдарламасы бойынша грант иегері, білім ұясының мақтаныштары.
Айгерім Қонар «Үздік аттестатқа», Гүлшат Бекқалиева «Алтын белгіге» үміткер.
Айгерім Қонар Болашақта IT, робототехника саласында қызмет жасағысы келеді. Ал Гүлшат Бекқалиева болса, 7 сыныптан бері физика-математика бағытында білім алып, өзінің сүйікті пәні физика және математика пәндеріне байланысты инженерия саласын таңдап отыр. Осы мамандық бойынша ол Назарбаев Университетінде “Құрылыс және экологиялық инженерия” факультетінде білім алғысы келеді.
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу