КіруЖЕРЛЕСТЕРІ МЕМЛЕКЕТ ЖӘНЕ ҚОҒАМ ҚАЙРАТКЕРІ М.ЫҚСАНОВТЫ ЕСКЕ АЛДЫ
30 наурыз күні Достық үйінде Мемлекет және қоғам қайраткері Мұстақым Біләлұлы Ықсановтың туғанына 95 жыл толуына арналған «Із қалдырған дара тұлға» атты еске алу кеші өткізілді.
Аталмыш шараға БҚО әкімінің орынбасары Бақытжан Нарымбетов, Орал қаласының әкімі Абат Шыныбеков, Мұстақым Ықсанов атындағы қордың төрағасы Асқар Атаев және шақырулы қонақтар қатысты.
Арамызда жоқ болса да күн озған сайын халқының сағынышына айналған, талайларға жан шуағын төгіп, еліне өшпес із қалдырған асыл азаматтың құрметіне көптеген шаралар оздырылған болатын. Атап айтсақ, Батыс Қазақстан облыстық мәслихат ғимараты жанында «Ғасырдың асылы» атты Мұстақым Ықсановқа арналған тақтайшаның ашылуы, баскетболдан жарыс және «Азамат боп ертеңмен, елге қызмет етемін» атты жастар арасындағы М.Ықсановтың 95 жылдығына орай пікірсайыс турнирлері өтті.
Еске алу кеші барысында Мұстақым Ықсанов атындағы қордың төрағасы Асқар Атаев және БҚО әкімінің орынбасары Бақытжан Нарымбетов құттықтау сөз сөйлеп, жеңімпаздарды марапаттады.
Одан әрі шара мерекелік концерттік бағдарламаға ұласты. Концерттік бағдарламада Ғ.Құрманғалиев атындағы облыстық филармониясының әншілері Айбар Хайырханов, Айбек Тұрарбеков, Алтынбек Оразов, Дария Бақытова, Дархан Құлбабев, Жастар мәдениет үйінің әншілері Тарас Жауынбаев, Рүстем Кереев, Рустам Хафизов, Азат Қабиев, Әсел Кажимова, Салтанат» би ансамблі /жет.Б.Сапарғалиева, М.Танатова/ және Аружан Темірғали, Кәусар Мұса өнер көрсетті.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу