КіруЖаңа электронды оқу құралы жарық көрді
Бүгінде М. Өтемісұлы атындағы Батыс Қазақстан университетінде білім беруде электронды басылымдар мен ресурстарды дайындап, оларды қолданысқа енгізу дәстүрге айналған. Университеттің шетел тілдері кафедрасының доценті, п.э.ғ.к. Г.Н. Кисметова мен МИЯ-21 тобының 2-курс магистранттары Султангазиева А.К., Шынболатова Н.Т. «Easy explained English grammar» атты кезекті электронды оқу құралын дайындады.
«Easy explained English grammar» электронды оқу құралының басты құндылығы – шет тіліндегі мамандыққа байланысты қосымша кәсіби білім алулары үшін олардың жеке және кәсіби дамуы болып табылады. Бұл электронды оқу құралы мектеп, университет және колледж оқушыларына арналған. Шет тілдерін меңгеру студенттерге жеке және кәсіби дағдысын дамыту үшін қажет, ал шет тілін еркін меңгеру шетелдік әріптестермен кәсіби қарым-қатынас жасау үшін қажет.
Қазіргі кезде қазақ тілінде жазылған электронды оқу құралдарының өте аз болуына байланысты бұл электронды оқу құралының жасаудың қажеттілігі болды. Бұл электронды оқу құралы курс бағдарламасына сәйкес жазылған. Курстың жалпы міндеті орта мектепте игерген материалды қайталау және жалпылау, сондай-ақ мектеп, университет және колледж оқушыларының күнделікті өмірі мен олардың болашақ кәсіптік қызмет саласында ауызша және жазбаша сөйлеу дағдыларын дамыту әрі жетілдіру, ағылшын тіліндегі әдебиетті оқып, түсіну үшін қажетті білім қорын қалыптастыру кіреді.
Курс 20 модульдік сағаттардан тұрады. Әрбір модуль грамматикалық түсіндірмелер, тақырыпқа байланысты жаттығулар жинағы және өз-өзін тексеруге арналған тест жиынтығынан құрастырылған. Грамматикалық түсіндірмелерге сөйлеу дағдысын меңгеруде және ағылшын тіліндегі мәтіндерді түп нұсқасында оқып түсінуде көмек ететін ағылшын тілі грамматикасының басым қолданлыатын ережелері енгізілген. Бұл бөлімде әрбір студент өткен материалын еске түсіріп қана қоймай, түсінбеген тұстарын еркін меңгереді, барлық мысалдар оңайландырылған, тез ұғынып алу үшін арнайы реттеліп жасалған.
Оқулықта ағылшын тілін меңгерудің практикалық жағына екпін түсірілгендіктен, теориялық материал мүмкіндігіне қарай қысқа әрі нұсқа етіп баяндалады. Жаттығулар жүйесі оқушылардың теориялық материалды меңгеру деңгейіне қарай әртүрлі типтегі тапсырмаларды қамтиды. Сонымен қатар, жаттығулар өткен матиериалды бекіту үшін арнайы реттеліп, ыңғайлардырылған. Әрбір модульдің соңында келген тест сұрақтары оқушыларға өз білімін тексеруге, қайталауға септігін тигізеді.
Бұл электронды оқу құралы барлық ағылшын тілі грамматикасын меңгерушілерге арналған.
Айнур ШУЙНШАЛИЕВА
Версия для печатиСоңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Пікір үстеу