КіруӘСКЕРИ ОҚУ ОРНЫНДА АСЫЛЫП ҚАЛДЫ
Осыдан бір апта бұрын Алматы қаласының ІІМ академиясында 3 курста оқыған БҚО тумасы 19 жастағы курсант Саламат Өтегенов өз өзіне қол жұмсады. Марқұм өмірін қимақ болғанға дейін ата-анасына үлкен көлемде ақша аударуды сұрап хабарлама жазған. Қайғыдан қара жамалып отырған ата-ана бұл жағдайға әскери оқу орынның басшылығын кінәлап отыр.
Қайғылы оқиға 13 желтоқсанда болған. Махан Есболатов атындағы Алматы академиясының 3 курс студенті Саламат өмірін қимастан бұрын бірнеше мәрте ақша аударуды өтініп, туған-туыстарына хабарласқан. Осыған дейін де бірнеше рет көп көлемде қаражат сұраған ұлының бұл жолғы өтінішін орындауға асықпаған ана «оқиғаның бұлай аяқталарын білмедім ғой» деп қан жылайды.
Саламат өмірінің соңғы күні сағат 11.00-ден бастап ағасына 300 мың теңгені Алматы уақыты бойынша сағат 17.00-ге дейін жіберуін сұрайды. Белгіленген уақытқа дейін сома есепшотқа түспесе үстіне үстемақының қосылатын айтып жалыныпты. Марқұмнан соңғы хабарлама 16.31-де келген. Онда ол «Мен кеттім» деп жазады. Содан кейін ол белдікке асылған күйі академияның асханасынан табылыпты. Кешкі сағат 19.00-де Саламаттың ата-аналарына ІІМ академиясынан қоңырау шалып, олардың ұлы өз-өзіне қол жұмсағанын естіртеді.
15 желтоқсанда Саламаттың мәйіті академияның екі офицерімен Орал қаласына жеткізілді. 16 желтоқсан күні Саламат туған жері Ақжайық ауданы Шабдаржап ауылындағы зиратқа жерленді. Әскери оқу орынның әкімшілігі марқұмның денесін қозғамауды талап еткенімен ағайындары оны ақтық сапарға барлық діни жоралғыларға сай шығарып салған. «Күмәнді жәйттар да бар» дейді.
Анасы баласының оқуға түскен уақыттан бері үнемі көп көлемдегі қаражатты сұрағанын айтады. «Не үшін қажет?» деген сауалға ол нақты жауап бермеген. «Тек мені аман көргілерің келсе, ешкімге айтпаңдар» деп жауап қатыпты. 5 баланың ортаншысының өміріне қауіп төне ме деген қорқынышпен өмір сүрген ана мен әке «ұлымыз үшін жұмған ауызымызды ашпадық» дейді.
Ал бүгінгі БАҚ-та жарияланған мәлеметтерге сүйенер болсақ, академия басшысы қызметінен қуылған, оған қоса оқу орының 15 қызметкері жауапкершілікке тартылған. Қазір осы оқиға бойынша өз-өзіне қол салуға итермелеу бабымен сотқа дейінгі тергеу амалдары басталыпты. Өрімдей азаматтың өмірін қиюға кім кінәлі, оған жауаптылар жазалана ма, әлде іс аяғына жетпей тоқтай ма?
Айнара ИСА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу