КіруПолицейге шабуыл жасады
Оралда полицейге қастандық жасаған күдікті ұсталды. Тәртіп сақшысының талабына бағынбаған ол осылай қарсылық білдіріпті. Полиция департаменті хабарлағандай, көшеде тоқтатылған жеңіл көліктің жүргізушісі мас екені анықталып, мәшинесі айыптұраққа жеткізіледі. Сол кезде оның қасындағы досы сақшылардың біріне байтесе (отвертка) ала жүгірген. Қолындағы қаруын бірнеше рет сермеп үлгірген ол бір полицейді қолынан жаралапты. Қазір қамауға алынған оның үстінен қылмыстық іс қозғалды. Тексеру кезінде оның да мас екені анықталды. – БҚО ПД баспасөз қызметі хабарлағандай, жүргізушінің бұған дейін көлік жүргізу құқығынан 7 жылға айрылғаны белгілі болды.
– Енді оның да үстінен қылмыстық іс қозғалды. Бұл бап бойынша айыптыны көлік жүргізу құқығынан өмір-бақи айыру әлде қомақты айыппұл салу немесе бас бостандығынан айыру жазасы қарастырылған,- деді БҚО ПД баспасөз қызметкері Лунара Аманғалиева.
Айнара ИСА
Версия для печатиСоңғы жаңалықтар
Орал қаласының әкімі Миржан Сатқанов денсаулық жағдайына байланысты өз еркімен жұмыстан босатылды.
Пікір үстеу