КіруПара алғаны үшін 10 жылға сотталды
«Жол активтері сапасы ұлттық орталығы» Батыс Қазақстан облысы бойынша филиалының бұрынғы басшысы Заурбек Қыпшақбаев 32 млн теңге пара алғаны үшін 10 жылға бас бостандығынан айырылды.
Күдікті сараптаманың оң нәтижесі үшін жергілікті кәсіпкерден қаржы алды деп айыпталды. Сот оны Қазақстан Республикасы Қылмыстық кодексінің 366-бабының 4-бөлігі «Бірнеше рет пара алу» бойынша кінәлі деп таныды. Айыптаушы тараптың мәліметінше, күдікті «Жол активтері сапасы ұлттық орталығы» Батыс Қазақстан облысы бойынша филиалының басшысы қызметін атқара жүріп, мердігер “Приоритет” компаниясын тексерген. Одан әрі мекеме басшысына нысандағы жұмыс сапа стандарттарына сай еместігі туралы электронды хат жолдапты. Сотта барлық сараптамалардың нәтижесі жарияланды. Соңғы мәміле – 2 млн теңгені аудару кезінде Қыпшақбаевты ҰҚК қызметкерлері ұстаған. Қыпшақбаев одан сараптамалардың оң қорытындысы үшін 40 млн теңге талап еткен.
Тергеу мәліметтері бойынша, ол компаниядан 30 млн теңге алған. Сот үкімі заңды күшіне енген жоқ.
Айнара Иса
Версия для печатиСоңғы жаңалықтар
Қазақстандықтар 1 қаңтардан бастап саусақ іздерін тапсыруға міндеттеледі
Мал сою орындарының 70 пайызында бейнебақылау камералары орнатылды
Пікір үстеу