КіруОРАЛДЫҚ ПОЛИЦЕЙЛЕР ЖАҒАЛАУЛАРДА РЕЙД ЖҮРГІЗУДЕ
Шілденің шіліңгірі жасты да кәріні де, дана мен баланы да титықтатып тұр. Тұрғындар аптап ыстықтан қорғану үшін суға шомылу орындарын жағалауда.
Алайда, суға шомылуға барған азаматтардың суда шомылу ережелеріне мән бермей, соңы қайғылы жағдайларға алып келіп жатқаны аз емес. Мысалы, жуықта Шаған полиция бөліміне қарасты су қоймасына шомылуға барған 3 жасөспірім суға батып кеткен болатын. Осыған орай, Шаған Пб ЖПҚб ЮПт инспекторлары қалалық төтенше жағдайлар басқармасымен, судан құтқару жасағымен бірлесіп, рейдтер өткізді. Жағалаудағы тұрғындарға түсінік жұмыстарын жүргізді. Инспекторлар тұрғындардың кешке қарай өзенге барып, шомылатындарын, көпшіліктің сақтық ережелеріне құлақ аспайтынын айтуда. Тәртіп сақшылары жадынамалар таратты. Алдағы күндері Орал қаласының әкімдігі мен Орал қаласы Полиция басқармасы бірлесіп, судағы қауіпсіздік ережелерінің сақталуын талап ету мақсатында кешенді тексерістер өткізуді жоспарлады.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу