КіруҰЛТТЫҚ ОЙЫНДАР ҰЛЫҚТАЛҒАН ҚАЙЫРЫМДЫЛЫҚ СПАРТАКИАДАСЫ
Ел Тәуелсіздігінің 30 жылдығы және Наурыз мейрамының бастауы саналатын Көрісу айт мерекесі аясында Ақ Жайық жастары үш күн бойы ұлттық ойындарды ұлықтады. Әрі бұл үш күндік шара қайырымдылыққа бағытталып, жиналған 500 мың теңгеден астам қаржы арқадағы бұлшықет атрофиясына шалдыққан кішкентай Эмир Шахмаровқа берілді.
Бүгін Батыс өңірі үшін айтулы мереке – Көрісу күні. Осы орайда «Jas Otan» жастар қанаты БҚО филиалы ұлттық ойындарды насихаттау, өңір жасатрының ұлттық ойындар бағытындағы спортқа қызығушылықтарын арттыру мақсатында спартакиада өткізді. Спартакиаданың өтуіне облыстық мәслихат депутаты, «Nur Otan» партиясының мүшесі Т.Тілемсіов қолдау көрсетіп, демеушілік жасады.
12-14 наурыз аралығында ұйымдастырылған шараға өңірдегі оқу орындары студенттерінен құралған 10 команда қатысты. Қайырымдылық мақсатта ұйымдастырылғандықтан, қатысуға өтінім берген әр команда жарналық төлем жасады. Бұл төлем бірден Эмирге аударылды.
Асық ату, Бес асық, Тоғызқұмалақ, Аударыспақ, Қазақ күресі, Садақ ату, Теңге ілу, Ләңгі тебу, Қол күресі, Арқан тартыс сынды ойындардан өткен жарыстар бойынша жалпы командалық есепте М.Өтемісов атындағы БҚУ командасы – бірінші орынға ие болды. Екінші орынды Ж.Досмұхамедов атындағы педагогикалық колледжі, үшінші орынды Жоғары аграрлық колледжінің командасы алды.
Жеңімпаздарға медаль, кубоктар, ақшалай сертификат табыс етілді. Десек те, әр команда жүлделері үшін ұтқан қаржыны толықтай Эмирге беру туралы шешім қабылдады.
Эльмира НҰҒМАНОВА ,
zhaikuni.kz
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу