КіруӨңірде 24 жағажай жұмыс жасайды
Өткен жылы облыста 15 адам суға батып кетсе, соның алтауы – балалар. Ал қалада үш адам өткен жылы суға кеткен. БҚО ТЖБ азаматтық қорғаныс тобының офицері Арыстанбек Танабоздың айтуынша Оралда ағайынды екі жасөспірім суға батып кете қала жаздады.
Оқиға 7 маусым күні кешқұрым мәдениет және демалыс саябағы аумағында болған. «Сағат 20:50-де жаяу жүргіншілер көпірінің астында 11 жасар бала байқаусызда Шаған өзеніне құлап кеткен. Оны құтқарамын деп 16 жастағы ағасы суға секірген. Сол кезде олардың анасы айқайлап, адамдарды көмекке шақырған.
Өзен бойымен патрульдеуде жүрген екі құтқарушы қайықпен жедел көпір астына жеткен. Облыс аумағында биыл барлығы 24 суға түсуге арналған жағажай жұмыс жасайды. Тасқала ауданында 1 коммуналдық, Шыңғырлауда 1 жеке жағажай жаңадан ашылып отыр. Нысандары мен су шаруашылығы құрылыстарында жаппай демалуға, туризмге және спортқа арналған 69 орын анықталды, қазіргі уақытта нақты иелеріне бекіту жұмысы жүргізілуде.
Су айдындарының қауіпті, шомылу үшін жабдықталмаған учаскелерінде 307 тыйым салу белгісі мен 77 ақпараттық стенд орнатылған. Сонмен қатар жиырмаға жуық суға шомылу орындарының асты қатты тұрмыстық және қауіпті заттардан тазартылған.
Айнара ИСА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу